swt247.jpg
72725
कुडाळः साई कला, क्रीडा मित्रमंडळातर्फे आयोजित गुणगौरव सोहळ्याप्रसंगी गुणवंत विद्यार्थ्यांसमवेत शशी चव्हाण, श्रेया गवंडे, राजू गवंडे आदी. (छायाचित्र ः अजय सावंत)

साई कला, क्रीडा मित्रमंडळातर्फे
कुडाळ नाबरवाडीत गुणगौरव
सकाळ वृत्तसेवा
कुडाळ, ता. २४ः कुडाळ नाबरवाडी येथील साई कला, क्रीडा मित्रमंडळ नाबरवाडी आणि नगरसेविका श्रेया गवंडे यांच्या वतीने नाबरवाडी प्रभागातील दहावी बारावी गुणवंत विद्यार्थ्यांचा सन्मान सोहळा रविवारी (ता. २२) उत्साहात झाला. नाबरवाडी प्रभागातील सर्वच २५ गुणवंत विद्यार्थ्यांना पुष्प, ट्रॉफी आणि भेटवस्तू देऊन गौरविण्यात आले.
सूत्रसंचालन श्रीराम काजरेकर यांनी केले. अध्यक्षस्थानी रोटरी क्लब कुडाळचे माजी अध्यक्ष उद्योजक शशिकांत चव्हाण होते. व्यासपीठावर विलास परब, प्रशांत प्रभू, नाथ पै विद्यालयाचे मुख्याध्यापक प्रेमदास राठोड, उद्योजक आनंद वालावलकर, सिंधुदुर्ग जिल्हा बँकेचे अमोल शिंदे, राजू गवंडे आदी प्रमुख पाहुणे उपस्थित होते. या सर्वांनी विद्यार्थ्यांना करिअरबाबत मार्गदर्शन केले. विद्यार्थ्यांमधून गायत्री शिंदे हिने विचार मांडले. नगरसेविका गवंडे यांनी आभार मानले. कार्यक्रमाला राजू बक्षी, मिलिंद देसाई, विशाखा कुलकर्णी, राजाराम तोरस्कर, वैष्णवी खानोलकर, नेहा मडकईकर, रंजना कांबळी, प्रणाली गवंडे, मंगेश कांबळी, प्रथमेश राऊळ, धनंजय परब, साईश नाबर, समीर गवंडे, विनायक पाटील, विद्यार्थी, पालकवर्ग तसेच नाबरवाडीतील रहिवासी, मंडळाचे सदस्य उपस्थित होते. मंडळाचे अध्यक्ष राजू गवंडे आणि सर्व सदस्य यांच्या नियोजनामुळे कार्यक्रम यशस्वी झाला.