-rat२२p३०.jpg-
२५N७२८०५
पावस ः शैक्षणिक साहित्य वाटपानंतर विद्यार्थ्यांसमवेत चैतन्य सोशल वेल्फेअर फाउंडेशनचे पदाधिकारी आणि शिक्षक.
----
विद्यार्थ्यांना शालेय साहित्य वाटप
‘चैतन्य फाउंडेशन’ : लांजा, रत्नागिरीतील शाळांना लाभ
सकाळ वृत्तसेवा
पावस, ता. २४ ः होतकरू आणि ग्रामीण भागातल्या मुलांच्या शिक्षणास हातभार लागावा या हेतूने चैतन्य सोशल वेल्फेअर फाउंडेशनच्या (मुंबई) वतीने लांजा व रत्नागिरी तालुक्यातील हर्चे, खानवली, गावडेआंबेरे केंद्रातील सुमारे सहाशे विद्यार्थ्यांना शैक्षणिक साहित्याचे वाटप करण्यात आले.
या वेळी चैतन्य फाउंडेशनचे संस्थापक अध्यक्ष प्रथमेश तेंडुलकर, कार्यवाह वैभव भुजबळ, सदस्य पराग जोशी, रिया देसाई, सिद्धार्थ पांचाल, कार्तिक नादार, स्नेहा शेलार उपस्थित होते. फाउंडेशनमार्फत ग्रामीण भागामध्ये केली जाणारी मदत ही केवळ विद्यार्थ्यांच्या शैक्षणिक गुणवत्तेसाठी आणि विकासासाठी असल्याचे सांगत भडेचे माजी सरपंच सुधीर तेंडुलकर यांनी चैतन्य परिवाराची मेहनत आणि तरुण तडफदार कार्यकर्त्यांच्या योगदानाचे कौतुक केले. आदर्श शाळा नाखरे नं. १ चे पदवीधर शिक्षक सुहास वाडेकर यांनी पालकांना मार्गदर्शन करताना मुलांचा सर्वांगीण विकास साधण्यासाठी जिल्हा परिषद शाळा सक्षम असून पालकांनी मुलांकडे वेळात वेळ काढून लक्ष देण्याचे आवाहन केले.
पावस केंद्रातील शाळांप्रमाणेच हर्चे, गावडेआंबेरे केंद्रातील शाळांना संगणक आणि स्मार्ट टीव्ही देण्यासाठी भविष्यात चैतन्य सोशल वेल्फेअर फाउंडेशन सहाय्य करणार प्रथमेश तेंडुलकर यांनी सांगितले. उद्योजक ऋषीनाथ पत्त्याणे, प्रमिल पत्त्याणे यांनी उपस्थित विद्यार्थी आणि पालकांचे तोंड गोड करण्यासाठी आर्थिक निधी दिला. याप्रसंगी संस्था संचालिका दीपाली तेंडुलकर, शाळा व्यवस्थापन समिती अध्यक्ष दिलीप मयेकर, मयुरी आडविलकर, केंद्रप्रमुख नरेंद्र पवार, उत्कर्षा शिंदे, हर्चे सरपंच दीप्ती तरळ, गावडे आंबेरे सरपंच लक्ष्मण सारंग, शिवार आंबेरे सरपंच राजन रोकडे, मावळंगे सरपंच नम्रता बिर्जे आदी उपस्थित होते.