swt265.jpg
73265
कुडाळः संत राऊळ महाराज महाविद्यालयाच्या वर्धापन दिन कार्यक्रमाचे उद्घाटन करताना युवराज लखमराजे भोसले. बाजूला शशिकांत गावडे, अरविंद शिरसाट, आनंद वरिया, प्राजक्ता बांदेकर-शिरवलकर, का. आ. सामंत, डॉ. स्मिता सुरवसे. (छायाचित्र ः अजय सावंत)

एकत्रित काम विद्यार्थ्यांसाठी उपयुक्त
लखमराजे भोसलेः कुडाळ महाविद्यालयात वर्धापन दिन सोहळा
सकाळ वृत्तसेवा
कुडाळ, ता. २७ः जिल्ह्याच्या शैक्षणिक प्रगतीसाठी शिक्षण संस्था आणि कराची महाराष्ट्रीय शिक्षण संस्था एकत्र येऊन चांगले काम करूया. भविष्यात मुलांसाठी ते नक्कीच उपयुक्त ठरेल, असा विश्वास मुंबई विद्यापीठाचे सिनेट सदस्य युवराज लखमराजे भोसले यांनी व्यक्त केला. क. म. शि. प्र. मंडळ संचालित संत राऊळ महाराज महाविद्यालयाचा ४१ वा वर्धापन दिन मोठ्या उत्साहात साजरा करण्यात आला. त्यावेळी प्रमुख अतिथी म्हणून ते बोलत होते.
संत राऊळ महाराज महाविद्यालयाच्या एकनाथ ठाकूर सभागृहात झालेल्या या कार्यक्रमाला लखमराजे भोसले, शशिकांत गावडे, अरविंद शिरसाट, देशपांडे फाउंडेशनचे आनंद वरिया, सुहाग शिरोडकर, नगराध्यक्ष प्राजक्ता बांदेकर-शिरवलकर, का. आ. सामंत, प्रसाद अणावकर, डी. एस. पाटील, अनंत वैद्य, महेंद्र गवस, प्रदीप आंगचेकर, प्राचार्य डॉ. स्मिता सुरवसे, शिक्षणतज्ज्ञ प्रवीण शेवडे, अॅड. निलांगी रांगणेकर आदी उपस्थित होते.
दीपप्रज्वलन करून या ४१ व्या वर्धापन दिनाचा प्रारंभ करण्यात आला. प्राचार्य डॉ. स्मिता सुरवसे यांनी प्रास्ताविक केले. शशिकांत गावडे यांनी संस्थेचा इतिहास आपल्या मनोगतातून सर्वांसमोर उभा केला. कार्यक्रमाचे अध्यक्ष शिरसाट यांनी संस्थेच्या इतिहासावर प्रकाशझोत टाकला. नगराध्यक्ष बांदेकर यांनी वर्धापन दिनाच्या शुभेच्छा दिल्या. लखमराजे, प्राजक्ता बांदेकर, प्रा. लोखंडे, गुणवंत कर्मचारी नीलेश जाधव, विद्यार्थी सागर कुडाळकर यांचा सत्कार करण्यात आला. कॉलेजचा वार्षिक विशेषांक ‘भरारी’चे प्रकाशन लखमराजेंसहित मान्यवरांच्या हस्ते करण्यात आले. डॉ. भारत तुपेरे यांनी ‘भरारी’बद्दल थोडक्यात माहिती दिली. देशपांडे फाउंडेशनच्या ऑनलाईन लर्निंग पोर्टलचे उद्घाटन लखमराजे यांच्या हस्ते करण्यात आले. कार्यक्रमाला भाई तळेकर, सुरेश चव्हाण, राजू परब, माजी प्राचार्य प्रा. अरुण पणदूरकर, अरुण मर्गज, शिवाजी घोगळे, माजी कर्मचारी डी. एन. सावंत. श्री. मांजरेकर, सगुण पेडणेकर उपस्थित होते. स्वागत प्राचार्य डॉ. स्मिता सुरवसे यांनी, सूत्रसंचालन प्रा. डॉ. कमलाकर चव्हाण यांनी केले. आभार प्रा. रवींद्र ठाकूर यांनी मानले.