rat२९p१.jpg
73939
रत्नागिरी : अॅड. नानल गुरुकुलमध्ये दहावीतील विद्यार्थ्यांच्या गुणगौरव कार्यक्रमावेळी उपस्थित पांडुरंग पाटील, सीए उमेश लोवलेकर, प्रा. निनाद तेंडुलकर आणि शिक्षक राजेश आयरे प्रमुख पाहुणे म्हणून उपस्थित होते.

अॅड. नानल गुरुकुलमध्ये
दहावीतील विद्यार्थ्यांचा गौरव
सकाळ वृत्तसेवा
रत्नागिरी, ता. २९ : येथील शिर्के प्रशालेतील अॅड. नानल गुरुकुलमध्ये वर्षारंभ कार्यक्रम, संकल्प दिन व दहावीतील गुणवंत विद्यार्थ्यांचा गौरव करण्यात आला.
विद्यार्थ्यांनी लहान वयातच आपले ध्येय निश्चित करून त्या वाटेवर मार्गक्रमण करावे आणि जीवनात यशस्वी व्हावे यासाठी मनाशी एक संकल्प करणे महत्वाचे आहे. यासाठी गुरुकुलमधील विद्यार्थी दरवर्षी एक संकल्प करतात. वर्षारंभाच्या निमित्ताने गुरुकुलच्या विद्यार्थ्यांनी दररोज एक पुस्तक वाचेन, नियमित खेळ खेळेन, पाढे न चुकता पाठ करेन, असे लहान लहान संकल्प केले. या वेळी पांडुरंग पाटील, सीए उमेश लोवलेकर, प्रा. निनाद तेंडुलकर आणि शिक्षक राजेश आयरे प्रमुख पाहुणे म्हणून उपस्थित होते.
गुरुकुल प्रमुख किरण सनगरे यांनी विद्यार्थ्यांना उपासना सांगितली. १० वीमध्ये उत्तम कामगिरी केलेल्या विद्यार्थ्यांचा पारितोषिक देऊन सत्कार करण्यात आला. गुरुकुल शिक्षण पद्धती आणि पंचकोश विकसन याविषयी राजेश आयरे यांनी पालक आणि विद्यार्थ्याना मार्गदर्शन केले.