जिजाऊ संस्थेमार्फत
वह्यांचे मोफत वाटप
सकाळ वृत्तसेवा
रत्नागिरी, ता. २९ : रत्नागिरी एज्युकेशन सोसायटीच्या गोदूताई जांभेकर विद्यालयात जिजाऊ शैक्षणिक व सामाजिक संस्थेच्या वतीने विद्यार्थ्यांना मोफत वह्यांचे वाटप करण्यात आले. व्यवसाय मार्गदर्शनही या वेळी करण्यात आले.
अध्यक्षस्थानी विद्यालयाच्या प्र. मुख्याध्यापिका संजना तारी होत्या. प्रमुख वक्ते म्हणून संस्थेचे प्रवर्तक संदीप पाटील यांनी उपस्थित राहून विद्यार्थ्यांशी संवाद साधला. शिक्षणाच्या प्रवाहापासून दूर जाणाऱ्या कामगार व वंचित वर्गातील विद्यार्थ्यांना मुख्य प्रवाहात आणण्यासाठी शाळा नेहमीच पुढाकार घेते. या उद्देशाने जिजाऊ संस्थेमार्फत गरजू विद्यार्थ्यांना मोफत वह्यांचे वाटप करण्यात आले. त्यानंतर संदीप पाटील यांनी विद्यार्थ्यांना विविध व्यावसायिक संधी, करिअर निवड आणि आत्मनिर्भरतेविषयी मार्गदर्शन केले.