swt17.jpg
74402
कुडाळः ठाकरे गटाच्या कार्यकर्त्यांनी आमदार दीपक केसरकरांच्या उपस्थितीत शिवसेनेत प्रवेश केला.

माजगावातील ठाकरे गटाच्या
कार्यकर्त्यांचा शिवसेनेत प्रवेश
सकाळ वृत्तसेवा
सावंतवाडी, ता. १ः माजगाव ग्रामपंचायतीचे ठाकरे गटाचे माजी उपसरपंच तथा विद्यमान ग्रामपंचायत सदस्य संजय कानसे, ज्ञानेश्वर सावंत, पूजा गावडे यांनी सावंतवाडी विधानसभा मतदारसंघाचे आमदार दीपक केसरकर यांच्या नेतृत्वाखाली व शिवसेना जिल्हाप्रमुख संजू परब, माजी सभापती अशोक दळवी यांच्या कार्यपद्धतीवर विश्वास ठेवून शिवसेना पक्षात प्रवेश केला.
यावेळी तालुकाप्रमुख नारायण राणे, उपतालुकाप्रमुख संजय माजगावकर, माजगाव विभागप्रमुख उमेश गावकर यांच्या नेतृत्वाखाली कुडाळ येथील जिल्हा कार्यकर्ता मेळाव्यात उद्योग मंत्री उदय सामंत, खारभूमी-रोजगार हमी मंत्री भरत गोगावले, माजी शिक्षणमंत्री तथा आमदार दीपक केसरकर, कुडाळ-मालवणचे आमदार नीलेश राणे यांच्या उपस्थितीत हा पक्ष प्रवेशाचा सोहळा झाला.
यावेळी ठाकरे शिवसेना महिला आघाडी प्रमुख रश्मी पावसकर, ममता दळवी, नंदा भोगण, राजश्री तळवडेकर, सपना पेडणेकर, पदाधिकारी मनोहर दळवी, लवित सावंत, संतोष मयेकर, लवू चव्हाण, संदीप गावडे आदी कार्यकर्त्यांनी शिवसेना पक्षात प्रवेश केला. या प्रवेशामुळे माजगावात ठाकरे गटाला मोठे खिंडार पडल्याचे मानले जात आहे.