swt219.jpg
74806
मुळदे ः वसंतराव नाईक जयंती आणि कृषी दिनानिमित्त वृक्षारोपणाने मुळदे उद्यानविद्या महाविद्यालयात साजरा करण्यात आला.

मुळदेत वृक्ष संवर्धनाबाबत जागृती
कृषी दिन उत्साहातः उद्यान विद्या महाविद्यालयाचा उपक्रम
सकाळ वृत्तसेवा
कुडाळ, ता. २ः महाराष्ट्राचे माजी मुख्यमंत्री व कृषी क्षेत्रातील आधारस्तंभ वसंतराव नाईक यांच्या जयंतीनिमित्त मंगळवारी (ता. १) उद्यानविद्या महाविद्यालय, मुळदे येथे कृषी दिन उत्साहात साजरा करण्यात आला.
यानिमित्ताने आयोजित कार्यक्रमांमध्ये अभिवादन व भाषणे तसेच वृक्षारोपण उपक्रम यांचा समावेश होता. कार्यक्रमाची सुरुवात वसंतराव नाईक यांच्या प्रतिमेस पुष्पहार अर्पण करून करण्यात आली. सहयोगी अधिष्ठाता डॉ. व्ही. व्ही. दळवी यांनी त्यांच्या कार्याचा आढावा घेतला.
या उपक्रमात सुमारे १००० झाडांची लागवड करण्यात आली. त्यामध्ये बांबू (माणगा व माणवेल), केळी, केशर आंबा, काळी मिरी, नारळ, सुपारी अशा प्रजातींचा समावेश होता. या संपूर्ण उपक्रमाचे मार्गदर्शन सहयोगी अधिष्ठाता डॉ. व्ही. व्ही. दळवी यांनी केले. डॉ. एम. एस. शेडगे यांच्या नेतृत्वाखाली करण्यात आले. प्रा. हर्षवर्धन वाघ यांच्या मार्गदर्शनाखाली व एनसीसी कॅडेट्स तसेच एनसीसी कार्यक्रम अधिकारी डॉ. जी. आर. उईके यांच्या नेतृत्वाखाली एनएसएस स्वयंसेवकांनी विशेष सहभाग नोंदवला. त्यांनी वृक्षलागवडीसाठी गट तयार करून नियोजनबद्ध पद्धतीने झाडे लावण्यात पुढाकार घेतला.