फोटो नाही

टीपः swt226.jpg मध्ये फोटो आहे.
सावंतवाडी ः बांदेकर फाईन आर्ट कॉलेजच्या आवारात वृक्षारोपण करण्यात आले.

डी. जी. बांदेकर ट्रस्टतर्फे
सावंतवाडीत वृक्षारोपण
सकाळ वृत्तसेवा
सावंतवाडी, ता. २ ः डी. जी. बांदेकर ट्रस्ट, सावंतवाडी संस्थेतर्फे मंगळवारी (ता. १) कृषी दिनानिमित्त बी. एस. बांदेकर कॉलेज ऑफ फाइन आर्ट (अप्लाइड आर्ट) च्या आवारात वृक्षारोपण कार्यक्रम पार पडला. हा कार्यक्रम फाउंडेशन आर्टच्या विद्यार्थ्यांनी आणि अप्लाइड आर्ट विभागातील सर्व विद्यार्थ्यांनी एकत्रितपणे उत्साहात साजरा केला. बळीराजाप्रती कृतज्ञता व्यक्त करण्याचा दिवस म्हणून हा उपक्रम महत्त्वपूर्ण ठरला. महाविद्यालयाच्या हरित परिसरात विविध प्रकारच्या वृक्षांची लागवड करून पर्यावरण संवर्धनाचा संदेशही विद्यार्थ्यांनी दिला. या कार्यक्रमाला डी. जी. बांदेकर ट्रस्टचे चेअरमन केदार ऊर्फ गोविंद बांदेकर, खजिनदार गीता बांदेकर, महाविद्यालयाचे प्राचार्य उदय वेले यांची प्रमुख उपस्थिती लाभली. प्रा. सिद्धेश नेरुरकर, तुकाराम मोरजकर, प्राजक्ता वेंगुर्लेकर, तुळशीदास नाईक, धनंजय परब, राधा गावडे, चेतन जगताप, आत्माराम शिरोडकर, सुभाष राव, अनिल बांदेकर, पल्लवी गावडे, हनुमंत केरकर, चारुदत्त शंकरदास यांच्यासह महाविद्यालयातील इतर शिक्षक व शिक्षकेतर कर्मचारी मोठ्या संख्येने उपस्थित होते. अंतिम वर्षाच्या समृद्धी पोटफोडे या विद्यार्थिनीने या दिनाबद्दल माहिती दिली. विष्णुप्रसाद सावंत याने उपस्थितांचे आभार मानले.