75333

नंदू शिरोडकर
यांचे निधन
सावंतवाडी, ता. ४ ः शहरातील व्यापारी, विठ्ठलभक्त, माजी मंत्री आमदार दीपक केसरकर यांचे स्वीय सहाय्यक प्रसन्न उर्फ नंदू चंद्रकांत शिरोडकर (वय ६०) यांचे आज दुपारी राहत्या घरी हृदयविकाराच्या धक्क्याने निधन झाले. शहरातील श्री‌ विठ्ठल-रखुमाई मंदिरात आषाढी एकादशीच्या निमित्ताने आयोजित पालखी सोहळ्यास ते सहभागी झाले होते. आरती, महाप्रसादानंतर दुपारी अस्वस्थ वाटू लागल्याने ते घरी गेले. याचदरम्यान त्यांना हृदयविकाराचा धक्का येऊन त्यांची प्राणज्योत मालवली. प्रतिपंढरी विठ्ठल मंदिर ट्रस्टवर ते सदस्य होते. शहरात त्यांचे किराणा मालाचे दुकान आहे. आमदार केसरकर यांचे ते विश्वासू सहकारी होते. यावेळी आबा केसरकर, सुजित कोरगावकर, नंदू गावडे, अजय गोंदावळे, हेमंत बांदेकर, अर्चित पोकळे, सुमित वाडकर, देव्या सुर्याजी आदी उपस्थित होते. शिरोडकर यांच्या मागे पत्नी, दोन मुली, भाऊ, भावजय असा मोठा परिवार आहे.