75936

नंदू शिरोडकरांना शिवसेनेतर्फे
सावंतवाडी येथे आदरांजली

सकाळ वृत्तसेवा
सावंतवाडी, ता. ७ ः पक्षासाठी तळमळीने काम करणारा आणि सर्वांसोबत हसतमुखाने वागणारा प्रसन्न ऊर्फ नंदू शिरोडकर याच्या अकाली निधनाने पक्षासाठी झटणाऱ्या कार्यकर्त्याला आम्ही मुकलो, अशा शब्दांत शिंदे शिवसेना जिल्हाप्रमुख संजू परब यांनी श्रद्धांजली अर्पण केली.
येथील माजी मंत्री तथा आमदार दीपक केसरकर यांचे खासगी स्वीय सहायक असलेल्या नंदू शिरोडकर यांचे शुक्रवारी (ता. ४) हृदयविकाराच्या धक्क्याने निधन झाले. आज त्यांना श्रद्धांजली वाहण्याचा कार्यक्रम आमदार केसरकर यांच्या निवासस्थानी शिंदे शिवसेनेच्या माध्यमातून आयोजित केला आहे. महिला जिल्हाप्रमुख अॅड. नीता सावंत, अशोक दळवी, महिला शहरप्रमुख भारती मोरे आदी उपस्थित होते. नंदू शिरोडकर यांनी व्यापार व्यवसायासोबतच समाजकारणही अंगीकारले होते. पक्षाच्या सर्व कार्यक्रमांत त्यांचा नेहमीच सहभाग होता, असे दळवी यांनी सांगितले. शिंदे शिवसेना पक्षाचे बांदा शहरप्रमुख गिरीश नाटेकर यांचेही अलीकडेच निधन झाले. त्यांनाही श्रद्धांजली अर्पण केली. तालुकाप्रमुख नारायण राणे, गजानन नाटेकर, विश्वास घाग, मिरा सिंग, पूजा नाईक, शर्वरी धारगळकर, दीपाली सावंत, अर्चित पोकळे, आबा केसरकर, सुरेश शिरोडकर, नरेंद्र मिठबावकर, शिल्पा मेस्त्री, महादेव राऊत, वैशाली सुभेदार, दादा राऊळ, दत्ता सावंत, गजा सावंत, सुमित कोरगावकर, लक्ष्मण भालेकर, प्रशांत साठेलकर, समीर पालव आदी उपस्थित होते.