शिवारआंबेरेत स्वच्छता मोहीम
पावस ः श्रमिक किसान सेवा समिती संचालित लोकनेते शामरावजी पेजे कला, वाणिज्य, विज्ञान महाविद्यालय शिवारआंबेरे अंतर्गत राष्ट्रीय सेवा योजना विभागाकडून महाविद्यालयीन परिसर साफसफाई करण्यात आली. या उपक्रमांतर्गत विद्यार्थ्यांमध्ये स्वच्छतेचे मूल्य, श्रमदान व एकोप्याने काम करण्यात असणारा आनंद, उत्साह, दैनंदिन अभ्यासिकेबरोबरच विद्यार्थ्यांच्या मनामध्ये श्रमातून मिळणारा आनंद आदी गोष्टी अनुभवता आल्या. राष्ट्रीय सेवा योजना विभागाच्या कार्यक्रमाधिकारी प्रा. कल्पना मेस्त्री यांनी या उपक्रमासाठी मार्गदर्शन केले. महाविद्यालयाचे प्रभारी प्राचार्य प्रमोद वारीक यांनी या उपक्रमासाठी स्वयंसेवकांना प्रोत्साहन दिले.