rat7p24.jpg-
75994
रत्नागिरी : गांगण, केळकर कनिष्ठ महाविद्यालयात आंतरराष्ट्रीय सहकार वर्षानिमित्त आयोजित कार्यक्रमात बोलताना अॅड. दीपक पटवर्धन.
------------
युवकांनी सहकाराची चळवळ पुढे न्यावी
अॅड. दीपक पटवर्धन ; गांगण कनिष्ठ महाविद्यालयात कार्यक्रम
सकाळ वृत्तसेवा
रत्नागिरी, ता. ८ : सहकारातून अर्थकारण गतिमान होत असून, सहकार हा रोजगार निर्मितीचा केंद्रबिंदू आहे. सहकार हा समृद्ध जीवनाचा पाया असून, युवकांनी सहकारी चळवळीला पुढे घेऊन जाण्याचे आवाहन स्वामी स्वरूपानंद सहकारी पतसंस्थेचे अध्यक्ष अॅड. दीपक पटवर्धन यांनी आंतरराष्ट्रीय सहकार वर्षानिमित्त आयोजित कार्यक्रमात केले.
येथील श्रीमान वि. स. गांगण कला, वणिज्य आणि (कै.) त्रि. प. केळकर विज्ञान कनिष्ठ महाविद्यालयात स्वामी स्वरूपानंद पतसंस्थेमार्फत सहकार चळवळ अधिक वृद्धिंगत व्हावी यासाठी विद्यार्थ्यांना सहकारातून निर्माण होणाऱ्या रोजगार संधी या विषयावर माहितीपूर्ण व्याख्यानाचे आयोजन केले होते. पुस्तकी ज्ञानाची वास्तव जीवनाशी सांगड घालत सहकारी संस्थांची स्थापना, भांडवल निर्मिती, आर्थिक व्यवहार, कामकाज व सहकार क्षेत्रातील नोकरीच्या संधी या विषयी अॅड. दीपक पटवर्धन यांनी विद्यार्थ्यांना सविस्तर माहिती दिली. पतसंस्थेचे संचालक प्रसाद जोशी, रिलेशनशिप मॅनेजर स्वरूप प्रभुदेसाई उपस्थित होते. स्वागत मुख्याध्यापक राजन कीर यांनी केले. उदय गाडगीळ यांनी आभार मानले.