- rat८p१४.jpg ः
२५N७६१५२
रत्नागिरी ः तालुक्यातील कोळंबे येथे आयोजित कार्यक्रमात उपस्थित बचतगटातील महिला आणि कृषी महाविद्यालयाचे विद्यार्थी.
----
कोळंबे भागात कृषी प्रात्यक्षिकं
सकाळ वृत्तसेवा
पावस, ता. ९ ः डॉ. बाळासाहेब सावंत कोकण कृषी विद्यापीठाच्या कृषी महाविद्यालयातील ग्रामीण जागृती कार्यानुभव उपक्रमांतर्गत कोळंबे येथे मृदासूत गटाने विविध कृषी विषयांवर प्रात्यक्षिक करून दाखवली.
कोळंबे ग्रामपंचायतीत झालेल्या या कार्यक्रमाला महिला बचतगटाचे सदस्य उपस्थित होते. कृषी प्रात्यक्षिकांमध्ये आवळा कँडी बनवण्याची कृती, बियाण्याचे वर्ग आणि बियाण्याच्या टॅग्सची ओळख, एकात्मिक कीड व्यवस्थापन आणि एकात्मिक रोग व्यवस्थापन यावर सविस्तर मार्गदर्शन करण्यात आले. प्रात्यक्षिकांनंतर महिलांना विद्यापीठाने केलेल्या कामांबद्दल माहिती मिळावी, या उद्देशाने डॉ. बा. को. कृ. विद्यापीठाची वृत्तपत्रके वाटण्यात आली. या उपक्रमाचे उद्दिष्ट महिला बचतगटांच्या सदस्यांना फळप्रक्रिया व शाश्वत शेतीतील महत्त्वाच्या बाबी समजावून देणे, तसेच त्यातून व्यवसायाच्या संधी निर्माण करणे हे होते. या कार्यक्रमात एकूण ३३ महिलांनी सहभाग घेतला. या कार्यक्रमासाठी कृषी महाविद्यालय, दापोलीचे सहयोगी अधिष्ठाता डॉ. आर. एल. कुणकेरकर यांच्यासह डॉ. किरण मालशे, डॉ. महेश कुलकर्णी, डॉ. उदयकुमार पेठे, डॉ. परेश पोटफोडे, एस. एन. काळे आणि डॉ. संतोष वानखेडे यांचे मार्गदर्शन केले.