- rat८p१३.jpg -
२५N७६१४४
प्रणय वेद्रे

गुहागरातच सेवा करण्याचा मान
प्रणय वेद्रे ः नगररचना सहाय्यकपदी नियुक्ती
सकाळ वृत्तसेवा
गुहागर, ता. ८ : तालुक्यातील पालकोट येथील प्रणय रघुनाथ वेद्रे यांची गुहागर नगरपंचायतीत नगररचना साहाय्यक (नगररचना आणि मूल्यनिर्धारण विभाग वर्ग २) या पदावर नियुक्ती करण्यात आली आहे. गुरूपौर्णिमेपासून (१० जून) ते गुहागर नगरपंचायतीमध्ये कार्यरत होणार आहेत. गुहागरातच पहिली सेवा देण्याचा मान मिळाल्याने प्रणय आनंद व्यक्त केला आहे.
पालकोट येथील शेतकरी रघुनाथ वेद्रे यांचे चरितार्थाचे साधन केवळ शेती आहे. शेतकरी कुटुंबातील प्रणय वेद्रे यांचे प्राथमिक शिक्षण (सातवीपर्यंत) जिल्हा परिषद शाळेत झाले. अभ्यासात हुशार असलेल्या प्रणयचे ८वी ते १०वीचे शिक्षण वरदान न्यू इंग्लिश स्कूल पालपेणे येथे झाले. १० वीमध्ये ९२ टक्के गुण मिळवून प्रणय वरदान हायस्कूलमध्ये पहिले आला. २०१९ मध्ये डिप्लोमा पूर्ण केल्यावर शासकीय अभियांत्रिकी महाविद्यालय कऱ्हाडमध्ये गुणवत्तेवर प्रवेश मिळवला. २०२२ मध्ये स्थापत्य अभियांत्रिकीचे शिक्षण पूर्ण केल्यावर पुन्हा प्रणय मुंबईत आले. त्यांनी जुलै २०२२ ते मे २०२४ या काळात नोकरी केली. मात्र शासकीय सेवेत जाण्याची इच्छा असल्यामुळे त्यांनी ऑगस्ट २०२४ मध्ये नगररचना साहाय्यक या सरळसेवेत भरतीसाठी अर्ज केला. त्या परीक्षेत तो उत्तीर्ण झाला असून १ जून रोजी त्याला गुहागर नगरपंचायतीत नगररचना साहाय्यक म्हणून नियुक्ती केल्याचा ईमेल आला आहे.