76324

चिंदर उपसरपंचपदी महेंद्र मांजरेकर
मालवण ः चिंदर उपसरपंचपदी श्री देव रामेश्वर ग्रामविकास आघाडी चिंदरचे महेंद्र मांजरेकर हे विजयी झाले आहेत. उपसरपंच दीपक सुर्वे यांनी राजीनामा दिल्यानंतर हे पद रिक्त झाले होते. त्याजागी मांजरेकर यांची निवड झाली आहे. सरपंच सरपंच नम्रता यांच्या अध्यक्षतेखाली व ग्रामपंचायत अधिकारी भगवान जाधव यांच्या प्रमुख उपस्थितीत निवडणूक प्रक्रिया पार पडली. उपसरपंच पदासाठी मांजरेकर यांच्यासह शशिकांत नाटेकर, केदार परुळेकर यांनी उमेदवारी अर्ज भरले होते. मात्र, निवडणुकीपूर्वी परुळेकर यांनी अर्ज मागे घेतला. गुप्त मतदान प्रक्रिया पार पडली. ग्रामपंचायतच्या ९ सदस्यांनी त्यासाठी मतदान केले. मांजरेकर यांना ६ तर नाटेकर यांना २ मते पडली. तर एक मत बाद झाले.