- rat९p८.jpg -
२५N७६३६६
गुहागर ः पाटपन्हाळे सोसायटीच्या गोदामातील अजगर.

पाटपन्हाळेतील गोदामात अजगर
सकाळ वृत्तसेवा
गुहागर, ता. ९ ः गुहागर तालुक्यातील पाटपन्हाळे विविध कार्यकारी सोसायटीच्या गोदामामध्ये खताच्या गोणींमध्ये वेटोळा करून बसलेल्या महाकाय अजगराला शृंगारतळी येथील सर्पमित्राने पकड़ून त्याला नैसर्गिक अधिवासात सोडले. हा प्रकार काल पुढे आला. याबाबत मिळालेल्या माहितीनुसार, पाटपन्हाळे विविध कार्यकारी सोसायटीचे गोडावून शृंगारतळी अर्बुदा स्टीलसेंटरच्या समोर आहे. त्या गोडावूनमध्ये खताच्या गोणी ठेवण्यात आल्या आहेत. खताचे वाटप करावयाचे असल्यामुळे गोडावूनमधील गोणी बाहेर काढण्यासाठी कर्मचारी विनायक जोशी, सचिन कदम व प्रमोद चव्हाण हे आत गेले. गोणी काढत असताना वेटोळा करून बसलेला सुमारे ६ फुटी अजगर त्यांनी पाहिला. त्यांनी शृंगारतळी येथील सर्पमित्र अरमान मुजावर यांना तातडीने बोलावले. मुजावर यांनी त्याला आपल्या कौशल्याने पकडले व नैसर्गिक अधिवासात मुक्त केले.