डीबीजे महाविद्यालयात मोफत पुस्तकांचे वितरण
चिपळूण, ता. ११ : डीबीजे महाविद्यालयात मागासवर्गीय विद्यार्थ्यांसाठी मोफत पुस्तकांचे वितरण करण्यात आले. मुंबई विद्यापीठाच्या विद्यार्थी कल्याण मंडळाच्या सहकार्याने दरवर्षीप्रमाणे यंदाही एससी, एसटी, एनटी आदी प्रवर्गातील विद्यार्थ्यांसाठी पुस्तक खरेदीसाठी अनुदान प्राप्त झाले. त्यातून हे वितरण करण्यात आले. कार्यक्रमाला प्राचार्य डॉ. माधव बापट, उपप्राचार्य डॉ. चेतन आठवले, पुस्तकपेढी समन्वयक व ग्रंथपाल डॉ. सुधीर मोरे, सुरेश नामदास, विवेक जाधव, डॉ. डी. टी. कदम, अर्चना कांबळी, पूजा शिंदे तसेच ग्रंथालय कर्मचारी उपस्थित होते. डॉ. सुधीर मोरे यांनी पुस्तकपेढीची संकल्पना, उद्देश सांगितला. कार्यक्रमाच्या शेवटी पाच विद्यार्थ्यांना प्रत्यक्षपणे पुस्तकांचे वाटप करण्यात आले.