76901

बांदा संत सोहिरोबानाथ मठात गुरुपौर्णिमा
बांदा ः येथील श्री संत सोहिरोबानाथ आंबिये मठात प्रतिवर्षाप्रमाणे यंदाही श्री गुरुपौर्णिमा उत्सव उत्साहात आणि भक्‍तिमय वातावरणात साजरा करण्यात आला. या सोहळ्यानिमित्त मठामध्ये विविध धार्मिक कार्यक्रमांचे आयोजन केले होते. सकाळी नाथांची नित्य पूजाअर्चा व नाथांच्या पादुकांवर अभिषेक करण्यात आला. त्यानंतर १० वाजता संत सोहिरा चरित्रामृताचे वाचन करण्यात आले. दुपारी १.३० वाजता गुरुवारची दुपारची साप्ताहिक आरती होऊन शिरा प्रसाद वाटण्यात आला. दुपारी चार वाजता वाजत गाजत नाथांचा मठाभोवती पालखी प्रदक्षिणा सोहळा झाला. भाविक व सेवेकऱ्यांनी नामाचा गजर करत यात सहभाग घेतला. त्यानंतर आरती व होऊन तीर्थप्रसाद वाटण्यात आला.