77046

रुग्णांना तत्पर आरोग्य सेवा द्या

दत्ता सामंत : मालवण रुग्णालयातील सुविधांचा आढावा

सकाळ वृत्तसेवा
मालवण, ता. १२ : आमदार नीलेश राणे यांच्या प्रयत्नातून वैद्यकीय अधिकारी डॉ. बालाजी पाटील यांची येथील ग्रामीण रुग्णालयात पुन्हा नियुक्ती झाली. शिवसेना जिल्हाप्रमुख दत्ता सामंत व शिवसेना पदाधिकाऱ्यांनी डॉ. पाटील यांची भेट घेऊन त्यांचे स्वागत केले. यावेळी रुग्णालयातील सेवा सुविधांचा सामंत यांनी आढावा घेत वैद्यकीय अधीक्षक व बांधकाम अधिकाऱ्यांसोबत चर्चा केली. रुग्णांना तत्पर आरोग्य सेवा मिळावी, यासाठी आमदार नीलेश राणे यांच्या माध्यमातून आवश्यक सहकार्य केले जाईल, असे सामंत यांनी यावेळी स्पष्ट केले.
यावेळी शिवसेना तालुकाप्रमुख राजा गावडे, शहरप्रमुख दीपक पाटकर, सुधीर साळसकर, युवासेना जिल्हाप्रमुख संग्राम साळसकर, युवासेना जिल्हा पदाधिकारी प्रीतम गावडे, दादा नाईक, महेश सारंग, महिला तालुकाप्रमुख मधुरा तुळसकर, तालुका समन्वयक कविता मोंडकर, उपतालुकाप्रमुख प्रियांका मेस्त्री, जयमाला मयेकर, अरुण तोडणकर, राजू बिडये, संदीप भोजणे, भाई मांजरेकर, मनोज वायंगणकर, अमित सावंत, तथागत मालवणकर, संदीप मालंडकर, कमलाकर कोचरेकर, आबा शिर्सेकर, सूरज बिरमोळे, शानू वालावलकर आदी उपस्थित होते.
प्रभारी वैद्यकीय अधीक्षक डॉ. संजय पोळ, डॉ. बालाजी पाटील, बांधकाम उपविभागीय अभियंता अजित पाटील, अभियंता स्नेहा लोखंडे यांच्यासोबत सामंत यांनी चर्चा केली. रुग्णालय इमारतीला काही ठिकाणी गळती आहे, त्याचा विचार करता इमारतीवर शेड उभारणी गरजेची आहे. तसेच अन्य काही प्राथमिक सुविधा तत्काळ करा, असे सामंत यांनी अधिकाऱ्यांना सांगितले.
--
स्त्रीरोगतज्ज्ञ कायमस्वरूपी हवेत!
मालवण ग्रामीण रुग्णालयात स्त्रीरोगतज्ज्ञ नियुक्ती करावी, अशी मागणी केल्यानंतर आठवड्यातून काही दिवस स्त्रीरोगतज्ज्ञ नियुक्त केली. मात्र, आठडवड्यातून एक दिवस ही नियुक्ती केली. महिला रुग्णांना तत्पर आरोग्य सेवा मिळावी, यासाठी कायमस्वरुपी स्त्रीरोगतज्ज्ञ असावा, अशी मागणी केली. याबाबत आमदार नीलेश राणे, पालकमंत्री नीतेश राणे यांचे लक्ष वेधले जाईल, असे सामंत यांनी डॉ. पोळ यांना सांगितले.