77052

सैनिक नागरी पतसंस्थेतर्फे
कट्टा प्रशाळेत वृक्षारोपण
मालवण, ता. १२ : जागतिक आंतरराष्ट्रीय सहकार वर्ष २०२५ च्या निमित्ताने सैनिक नागरी पतसंस्था सावंतवाडी शाखा कट्टा यांच्यातर्फे वृक्षारोपण सप्ताहानिमित्त कट्टा प्रशाळेत वृक्षारोपण करण्यात आले.
वराडकर हायस्कूल व कनिष्ठ महाविद्यालय (सं.) कट्टा येथे सैनिक नागरी पतसंस्था शाखा कट्टा, वराडकर हायस्कूल व कनिष्ठ महाविद्यालय (सं.) वराडकर इंग्लिश मीडियम स्कूल तसेच डॉ. दादासाहेब कला व वाणिज्य महाविद्यालय कट्टाच्या संयुक्त विद्यमाने वृक्ष लागवडीचा कार्यक्रम झाला.
यावेळी सावंतवाडी सैनिक नागरी पतसंस्थेचे कट्टा शाखाध्यक्ष सुभाष करावडे, कट्टा पंचक्रोशी शिक्षण प्रसारक मंडळाचे सचिव सुनील नाईक, विजयश्री देसाई, स्कूल कमिटी अध्यक्ष सुधीर वराडकर, शाखा समन्वयक गोपाल बाईत, संचालक विष्णू सावंत, शाखा व्यवस्थापक अनुष्का कुडतरकर, प्रशालेच्या मुख्याध्यापिका देवयानी गावडे, प्राचार्य ध्वजेंद्र मिराशी, पतसंस्था कर्मचारी हिमाली माळकर, प्रवेश यादव, योगेश मेस्त्री आदी उपस्थित होते.
-------
77051

कारिवडे पेडवे प्रशालेचे यश
ओटवणे, ता. ११ ः पूर्व उच्च प्राथमिक शिष्यवृत्ती परीक्षेत (पाचवी) कारिवडे पेडवे क्र. २ शाळेचा विद्यार्थी शंकर परब याने ३०० पैकी २४२ गुण प्राप्त करून सिंधुदुर्ग जिल्हा गुणवत्ता यादीत २१ वा येण्याचा मान पटकावला. तसेच वैभव हनपाडे याने २२८ गुणांसह गुणवत्ता यादीत ३५ वा क्रमांक प्राप्त केला. दोन्ही विद्यार्थ्यांना वर्गशिक्षिका सीमा पंडित, शाळेच्या मुख्याध्यापिका ऐश्वर्या पोकळे तसेच इतर शिक्षकांचे मार्गदर्शन मिळाले. शिष्यवृत्ती गुणवत्ता यादीत येण्याबरोबर वैभव याची नवोदय विद्यालयासाठी देखील निवड झाली आहे. दरवर्षीप्रमाणे शिष्यवृत्ती परीक्षेतील यशाची परंपरा कायम राखत या दोन्ही विद्यार्थ्यांनी शाळेचा नावलौकिक उंचावला आहे. दोन्ही विद्यार्थ्यांचे अभिनंदन करण्यात आले.