77042

शेठ म. ग. हायस्कूलमध्ये
जागतिक लोकसंख्या दिन

देवगड, ता. १२ ः येथील शेठ म. ग. हायस्कूलमध्ये जागतिक लोकसंख्या दिन साजरा करण्यात आला. यानिमित्त विद्यार्थ्यांनी वाढत्या लोकसंख्येवर आधारित चित्र प्रदर्शन केले. व्यासपीठावर मुख्याध्यापक प्रवीण खडपकर, पर्यवेक्षिका निशा दहिबावकर, भूगोल विषय समितीप्रमुख अजित सुरंगले उपस्थित होते.
यानिमित्ताने विद्यार्थ्यांनी वाढत्या लोकसंख्येवर आधारित काढलेल्या चित्र प्रदर्शनाचे उद्‍घाटन करण्यात आले. विद्यार्थ्यांमधून अनन्या ओगले, हर्षाली चव्हाण, ओवी बापट या विद्यार्थ्यांनी ‘वाढती लोकसंख्या आणि तिचे होणारे परिणाम’ या विषयावर मनोगत व्यक्त केले. कार्यक्रमाचे प्रमुख वक्ते भूगोल विषय शिक्षक ज्ञानेश्वर कुंभारे यांनी जगामध्ये वाढत असणाऱ्या लोकसंख्येचे आणि त्यामुळे विविध पायाभूत सुविधांवर होणारे परिणाम यावर भाष्य केले. मुख्याध्यापक खडपकर यांनी, देशाची लोकसंख्या नुसती संख्यात्मक उपयोगाची नसून त्यामध्ये गुणवत्ता आणि कौशल्य असणे आवश्यक असल्याचे सांगितले. निवेदन तनिष्का खाड्ये, ओवी बापट या विद्यार्थ्यांनी केले. कार्यक्रम नियोजन आणि सादरीकरण श्री. सुरंगले यांनी केले.