77064
प्रलंबित कामे समन्वयाने मार्गी लावा
सीईओ खेबुडकर; मालवणमध्ये ‘जलजीवन’चा आढावा
सकाळ वृत्तसेवा
मालवण, ता. १२ : ‘‘मक्तेदार, सरपंच, ग्रामीण पाणीपुरवठा विभाग आणि तांत्रिक सल्लागार संस्था यांनी एकमेकांच्या समन्वयाने कामे केल्यास तालुक्यातील प्रलंबित कामे तातडीने मार्गी लागतील. त्यादृष्टीने प्रयत्न करावेत,’’ अशा सूचना जिल्हा परिषदेचे मुख्य कार्यकारी अधिकारी रवींद्र खेबुडकर यांनी येथे दिल्या.
येथील पंचायत समितीस मुख्य कार्यकारी अधिकारी खेबुडकर यांनी शुक्रवारी (ता. ११) भेट देऊन तालुक्यात रखडलेल्या जलजीवन मिशनच्या कामांचा आढावा घेतला. सुरुवातीस गटविकास अधिकारी श्याम चव्हाण यांनी त्यांचे स्वागत केले. यावेळी कार्यकारी अभियंता सुदेश राणे, यांत्रिकी विभागाचे उपअभियंता अमित ओतारी, उपअभियंता वैभव वाळके, कनिष्ठ अभियंता अतुल माने, राणी लाड, शुभम दाभाडे यांच्यासह तालुक्यातील सरपंच, ग्रामसेवक, मक्तेदार उपस्थित होते.
तालुक्यात ‘जलजीवन’ची ७५ ते ९९ टक्क्यांपर्यंतची ३१ कामे अद्याप प्रलंबित आहेत. ही कामे नळजोडणीची आहेत, असे सांगण्यात आले. यावेळी तालुक्यातील मक्तेदारांनी कामांसाठी आवश्यक निधी शासनाकडून उपलब्ध होत नसल्यानेच ही कामे रखडली आहेत. हा निधी उपलब्ध झाल्यास रखडलेली कामे पूर्ण करून देऊ, असे स्पष्ट केले. त्यावर खेबुडकर यांनी शासनाकडे याबाबत पाठपुरावा सुरू असल्याचे सांगितले.
जलजीवन मिशनची तालुक्यात जी कामे रखडली आहेत, ती प्राधान्याने मार्गी कशी लागतील, या दृष्टिकोनातून प्रयत्नशील असल्याचे गटविकास अधिकारी श्री. चव्हाण यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.