- rat१४p४.jpg-
P२५N७७३९२
भातलावणीचा आनंद घेताना विद्यार्थी.

‘जावडे शाळेतील’ विद्यार्थ्यांची वर्षा सहल
सकाळ वृत्तसेवा
लांजा, ता. १४ः हेरिटेज कल्चर आर्ट अँड एज्युकेशन डेव्हलपमेंट सोसायटीच्या जावडे येथील प्राथमिक व माध्यमिक आश्रमशाळेतील १ली ते ५वीच्या विद्यार्थ्यांची वर्षा सहल आयोजित केली होती.
जावडे गावातच काढलेल्या सहलीमध्ये विद्यार्थ्यांनी भातलावणीचा प्रत्यक्ष अनुभव घेतला. निसर्ग निरीक्षण, होड्या तयार करून पाण्यात सोडणे, निसर्गाच्या सान्निध्यात चटकदार भेळ खाण्याचा आनंद आणि मनसोक्त नृत्य असे वेगवेगळे उपक्रम आयोजित केले. ही सहल विद्यार्थ्यांच्या शैक्षणिक आणि सर्वांगीण विकासासाठी उपयुक्त ठरली असल्याचे संतोष कांबळे यांनी सांगितले. सहल संपल्यानंतर विद्यार्थ्यांनी परिसरातील कचरा स्वच्छ केला. त्यामुळे सामाजिक बांधिलकी, स्वच्छतेचे महत्त्व आणि जबाबदारीची भावना यांची रूजवणूक झाली. संस्थेचे संस्थापक संतोष कांबळे व अध्यक्षा अपर्णा पवार यांच्या मार्गदर्शनाखाली प्राथमिक विभागाने राबवला.
---