swt1511.jpg
77698
दोडामार्ग ः लोकार्पणप्रसंगी नगराध्यक्ष चेतन चव्हाण, मान्यवर व महिला वर्ग.

दोडामार्ग नगरपंचायतीमार्फत
सार्वजनिक विहिरीचे लोकार्पण
सकाळ वृत्तसेवा
दोडामार्ग, ता. १५ : नगरोत्थान जिल्हास्तर योजनेच्या माध्यमातून दोडामार्ग बाजारपेठेतील नूतनीकरण व सुशोभीकरण झालेल्या सार्वजनिक विहिरीचे लोकार्पण आज करण्यात आले. प्रभाग क्रमांक ११ व प्रभाग क्रमांक ८ मधील महिलांची मोठी उपस्थिती या कार्यक्रमाला होती. शहरात महत्त्वाचा मानल्या गेलेल्या प्रभाग क्रमांक ११ मधील बाजारपेठेत आयी रस्त्यालगत पूर्वीपासून एक सार्वजनिक विहीर आहे. प्रभाग क्रमांक ११ व ८ या दोन्ही प्रभागांतील रहिवाशांसाठी ही विहीर महत्त्वाची आहे. प्रभाग क्र. ११ मधील नगरसेवक तथा माजी बांधकाम सभापती नितीन मणेरीकर यांनी या विहिरीच्या नूतनीकरण व सुशोभीकरणाची संकल्पना प्रत्यक्षात उतरविली. महाराष्ट्र शासनाच्या नगरोत्थान जिल्हास्तर निधी योजनेअंतर्गत ९ लाख, ९९ हजार ७६२ रुपये खर्चून हे नूतनीकरण व सुशोभीकरण करण्यात आले. येथील ज्येष्ठ नागरिक सूर्यकांत परमेकर यांच्या हस्ते श्रीफळ वाढवून विहिरीचे लोकार्पण करण्यात आले. नगराध्यक्ष चेतन चव्हाण, मुख्याधिकारी संकेत गायकवाड, उपनगराध्यक्ष देविदास गवस, माजी सरपंच प्रदीप चांदेलकर, श्याम मणेरीकर, सागर चांदेलकर, विशांत परमेकर उपस्थित होते. स्वागत नगरसेवक नितीन मणेरीकर यांनी केले.