swt163.jpg
77874
कुडाळ ः करिअर संसद पदाधिकाऱ्यांसोबत प्रा. डॉ. स्मिता सुरवसे, ए. एन. लोखंडे, प्रा. अजित कानशिडे, प्रा. उमेश कामत आदी. (छायाचित्र ः अजय सावंत)

कुडाळ महाविद्यालयात
करिअर संसद स्थापन
सकाळ वृत्तसेवा
कुडाळ, ता. १६ ः येथील संत राऊळ महाराज महाविद्यालयात महाराष्ट्र राज्य उच्च व तंत्र शिक्षण विभाग आणि महाराष्ट्र माहिती तंत्रज्ञान सहाय्यक केंद्र यांच्यावतीने ‘करिअर कट्टा’ या उपक्रमांतर्गत करिअर संसदेची स्थापना करण्यात आली.
‘करिअर कट्टा’ हा उपक्रम विद्यार्थ्यांच्या सर्वांगीण विकासासाठी राबविला जातो. या उपक्रमाच्या माध्यमातून विद्यार्थ्यांना करिअर मार्गदर्शन, विविध कौशल्य विकास प्रशिक्षण, उद्योगजगताशी संवाद साधण्याच्या संधी दिल्या जातात. यामुळे विद्यार्थ्यांना भविष्यातील संधी ओळखण्यास मदत होते. महाविद्यालयात करिअर संसद पदाधिकारी व सदस्य यांचा शपथविधी सोहळा पार पडला. त्यांना नियुक्तीपत्र देऊन अभिनंदन करण्यात आले.
करिअर संसद मुख्यमंत्रिपदी श्रुती मळगावकर तसेच नियोजन मंत्री अक्षता नेमळेकर, कायदे व शिस्तपालन-वासुदेव सावंत, सामान्य प्रशासन-सोनाली दवडते, माहिती व प्रसारण-वैष्णवी तेरसे, उद्योजकता विकास-साक्षी चव्हाण, रोजगार व स्वयंरोजगार मंत्री-प्रजा परुळेकर, कौशल्य विकास-समृद्धी बोभाटे, संसदीय कामकाज-शिवानी ठाकूर, महिला व बालकल्याण-तनिषा कदम, सदस्य-प्रतीक लाड, रुद्रराज कुडाळकर यांची नियुक्ती करण्यात आली. प्रा. डॉ. स्मिता सुरवसे यांनी सर्व पदाधिकाऱ्यांचे अभिनंदन केले. महाविद्यालयीन समन्वयक प्रा. अजित कानशिडे, प्रा. उमेश कामत, प्रा. डॉ. ए. एन. लोखंडे उपस्थित होते. प्रा. लोखंडे यांनी विद्यार्थ्यांना शपथ दिली.