77918

शिष्यवृत्ती परीक्षेत मधुर पेंडुरकरचे यश
मालवण, ता. १६ : महाराष्ट्र राज्य शिक्षण परिषद पुणे यांच्यामार्फत घेतलेल्या पाचवी शिष्यवृत्ती परीक्षेमध्ये वराडकर हायस्कूल व कनिष्ठ महाविद्यालय संयुक्त कट्टाचा विद्यार्थी मधुर पेंडुरकर याने यश मिळविले. त्याने ग्रामीण सर्वसाधारण विभागातून जिल्हास्तरीय गुणवत्ता यादीमध्ये ४३ वे स्थान मिळवून उल्लेखनीय यश प्राप्त केले.
या यशाबद्दल कट्टा पंचक्रोशी शिक्षण प्रसारक मंडळ कट्टाचे अध्यक्ष अजयराज वराडकर, सचिव सुनील नाईक, सचिव विजयश्री देसाई, शाळा व्यवस्थापन समिती अध्यक्ष सुधीर वराडकर, मुख्याध्यापिका देवयानी गावडे, मुख्याध्यापक ऋषी नाईक, पर्यवेक्षक महेश भाट यांच्या उपस्थितीत पालक अर्जुन पेंडुरकर व अपेक्षा पेंडुरकर तसेच मधुर पेंडुरकर यांचा शालेय भेटवस्तू व पुष्प देऊन सत्कार केला. संस्था विश्वस्त ॲड. एस. एस. पवार, कर्नल शिवानंद वराडकर, रवींद्रनाथ पावसकर, साबाजी गावडे, सुप्रिया वराडकर, श्रुती वराडकर, स्वाती वराडकर, शिवराम गुराम, महेश वाईरकर, सुहास वराडकर, डॉ. व्ही. सी. वराडकर, व्हिक्टर डॉन्टस, प्रभाकर वाईरकर, संतोष साटविलकर, नारायण पेणकर, ॲड. ऋषी देसाई यांनी मधुरला भावी वाटचालीस शुभेच्छा दिल्या. भूषण गावडे, किशन हडलगेकर, अमिषा परब, सिमरन चांदरकर यांनी मार्गदर्शन केले.