swt1625.jpg
77977
असनिये ः विद्यार्थ्यांना शालेय साहित्याचे वाटप करताना मान्यवर.

असनिये शाळेतील मुलांना
कोकण संस्थेतर्फे साहित्य
सकाळ वृत्तसेवा
बांदा, ता. १६ः ग्रामीण भागातील गरजू विद्यार्थ्यांना शिक्षणासाठी मदत करण्याच्या उद्देशाने कोकण कला व शिक्षण विकास संस्थेच्या वतीने आज जिल्हा परिषद पूर्ण प्राथमिक शाळा असनिये येथे २० विद्यार्थ्यांना शैक्षणिक साहित्याचे वाटप करण्यात आले. कोकण संस्था दरवर्षी हजारो विद्यार्थ्यांना मोफत शालेय साहित्य वितरित करून त्यांना शैक्षणिकदृष्ट्या सक्षम करण्याचे कार्य करते. यावेळी असनिये सरपंच रेश्मा सावंत यांनी या उपक्रमामुळे ग्रामीण भागातील मुलांच्या शिक्षणाचा स्तर उंचावण्यास निश्चितच मदत होईल, असे सांगितले. याप्रसंगी कोकण संस्थेचे जितेंद्र सावंत, माजी उपसरपंच चंदन नाईक, सदस्य सुमंत असनियेकर, अंगणवाडी सेविका साक्षी सावंत, विकास सावंत, भिकाजी सावंत, भिकाजी नाईक, शैलेश सावंत, सोहम सावंत, विलास नाईक, भूषण सावंत, मुख्याध्यापक सुनील गवस, शिक्षिका स्वाती गवस, कस्तुरी बैस, स्वाती असनियेकर, सुहास सावंत उपस्थित होते.
...................
swt1627.jpg
77978
बांदाः संजय शिरोडकर यांना गौरविताना मान्यवर.

बांदा नाबर प्रशालेतर्फे
शिरोडकर यांचा सत्कार
सकाळ वृत्तसेवा
बांदा, ता. १६ः प्रसिद्ध बांधकाम व्यावसायिक संजय शिरोडकर यांचा येथील व्ही. एन. नाबर मेमोरियल इंग्लिश मीडियम स्कूलच्या वतीने शाल, श्रीफळ, सन्मानपत्र, स्मृतिचिन्ह देऊन मान्यवरांच्या हस्ते सत्कार करण्यात आला. यावेळी व्यासपीठावर माजी मुख्याध्यापक भिकाजी धुरी, उद्योजक भाऊ वळंजू, नारायण पित्रे, शिक्षक-पालक संघ उपाध्यक्ष दिवाकर म्हावळणकर, शाळेच्या मुख्याध्यापिका मनाली देसाई, सांस्कृतिक विभाग प्रमुख प्रतीक्षा शिरोडकर, माजी विद्यार्थी साहिल बांदेकर आदी उपस्थित होते.
शिरोडकर यांनी सामाजिक जाणीवेतून शैक्षणिक क्षेत्रामध्ये योगदान दिले आहे. या प्रशाळेतील विद्यार्थ्यांच्या समस्या ओळखून त्या दूर करण्यासाठी सहकार्य केले आहे. यामुळे त्यांचा प्रशाळेच्या वतीने सन्मान करण्यात आला. सन्मवयक राकेश परब, निदेशक भूषण सावंत, गायत्री देसाई, रिया देसाई, संकेत वेंगुर्लेकर, प्रकाश झाट्ये, सेजल सावंत आदी उपस्थित होते.