रत्नागिरी : जिल्ह्यातील नोकरी शोधणाऱ्या तरुणांसाठी एक आनंदाची बातमी आहे. कौशल्य विकास, रोजगार, उद्योजकता व नावीन्यात विभागाच्या मार्गदर्शनाखाली २२ जुलैला सकाळी १० ते ३ या वेळेत येथील फिनोलेक्स अॅकॅडमी येथे रोजगार मेळाव्याचे आयोजन करण्यात आले आहे.
मेळाव्यात जिल्ह्यातील अनेक नामांकित उद्योजक, सेवा क्षेत्रातील कंपन्या आणि सहकारी संस्था सहभागी होणार आहेत. यामध्ये प्रामुख्याने गद्रे मरीन एक्सपोर्ट प्रा. लि., जीवन विमा निगम, श्री स्वामी स्वरूपानंद सहकारी संस्था, पेठे ब्रेक मोटर्स प्रा. लि. (मोडकाघर, पो. वेरवली, ता. गुहागर) आणि एमआय लाइफ स्टाईल ग्लोबल प्रा. लि. (पांडवनगर टी.आर.पी.) यासारख्या आस्थापनांचा समावेश आहे.
या कंपन्यांनी विविध पदांसाठी जवळपास ५०० उमेदवारांची मागणी नोंदवली आहे. कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त इनुजा शेख यांनी जिल्ह्यातील सर्व पात्र उमेदवारांना या सुवर्णसंधीचा लाभ घेण्याचे आवाहन केले आहे.
इच्छुकांनी २२ जुलैला थेट फिनोलेक्स अकॅडमी ऑफ मॅनेजमेंट अँड टेक्नॉलॉजी, एमआयडीसी मिरजोळे, रत्नागिरी येथे आपला बायोडाटा आणि इतर आवश्यक शैक्षणिक कागदपत्रांच्या प्रतींसह मुलाखतीसाठी उपस्थित राहावे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.