‘कर्वे’ संस्थेत रुग्ण साहाय्यक
प्रशिक्षण अभ्यासक्रम
सकाळ वृत्तसेवा
रत्नागिरी, ता. १७ : महर्षी कर्वे स्त्री शिक्षणसंस्थेच्या शिरगांव प्रकल्पात यशवंतराव चव्हाण महाराष्ट्र मुक्त विद्यापीठाच्या (नाशिक) संयुक्त विद्यमाने रुग्ण साहाय्यक प्रशिक्षण अभ्यासक्रमासाठी प्रवेशप्रक्रिया सुरू झाली आहे.
हा अभ्यासक्रम एक वर्ष कालावधीचा आणि अर्धवेळ आहे. गुणवत्तापूर्ण प्रशिक्षणाद्वारे महिलांना आणि विद्यार्थिनींना आरोग्यसेवेशी संबंधित रोजगारासाठी सक्षम बनवण्याचा उद्देश या अभ्यासक्रमाचा आहे. या अभ्यासक्रमाला प्रवेशपात्रता दहावी उत्तीर्ण-अनुत्तीर्ण, नियमित पदवीसह दूरस्थ पद्धतीने प्रवेश घेतलेले विद्यार्थी, रुग्णालयात काम करत असलेले किंवा काम करण्याचा किमान दोन वर्षांचा अनुभव असलेले आणि सातवी उत्तीर्ण असलेल्या महिलांना या अभ्यासक्रमास प्रवेश घेता येईल.
सध्या लहान-मोठ्या शहरामध्ये तसेच गावागावातून रुग्णांची काळजी घेण्यास प्रशिक्षित व्यक्ती उपलब्ध होत नाहीत. या कोर्समुळे महिलांना आणि विद्यार्थिनींना नर्सिंग होम्स, हॉस्पिटल अटेंडंट, घरगुती केअरटेकर वृद्धाश्रम अशा क्षेत्रांत काम करण्याची संधी उपलब्ध होते. हा अभ्यासक्रम ऑगस्टपासून सुरू होणार आहे. प्रवेश व अधिक माहितीसाठी महर्षी कर्वे स्त्री शिक्षणसंस्था, साखरतर रोड, शिरगाव, रत्नागिरी येथे संपर्क करावा, असे आवाहन केले आहे.