-ratchl१७३.jpg-
२५N७८१७१
चिपळूण ः भातलावणीत सहभागी झालेले विद्यार्थी.
----------
शिरळमधील गुरूकुलचा
भातलावणी उपक्रम
सकाळ वृत्तसेवा
चिपळूण, ता. १७ ः शालेय शिक्षणासोबत विद्यार्थ्यांमध्ये मातीकडील नाते दृढ व्हावे, शेतकरी आणि शेती यांच्या जीवनाशी प्रत्यक्ष अनुभवातून नाते जोडावे, या उद्देशाने शिरळ येथील विद्याभारती भारतीय शिक्षासंकूलाच्या गुरूकुलतर्फे भातलावणी उपक्रम घेण्यात आला. मार्गताम्हाणे येथील संजय आणि सिद्धी जाधव यांच्या शेतात ही भातलावणी करण्यात आली.
या उपक्रमात पाचवी ते दहावीच्या एकूण २५ विद्यार्थ्यांनी प्रत्यक्ष शेतात उतरून पारंपरिक पद्धतीने भातलावणीचा अनुभव घेतला. विद्यार्थ्यांनी आधी नांगर कसा धरतात, त्याचा वापर कसा करतात याचा अनुभव घेतला. त्यानंतर चिखलात भिजत स्वतःच्या हातांनी भाताची रोपं लावत खऱ्या अर्थाने बळीराजाचे कष्ट जाणण्याचा प्रयत्न केला. या उपक्रमात गुरुकुल शिक्षक गजानन गुणीजन, सुश्रुत चितळे, केतकी मुसळे, आदित्य तांबे आणि रोहन सिनकर उपस्थित होते.