गोपाळकृष्ण विद्यामंदिरात गुणगौरव
गुहागर ः शहरातील श्री देव गोपाळकृष्ण माध्यमिक विद्यामंदिरामधील शिष्यवृत्तीधारक विद्यार्थ्यांचा गौरव करण्यात आला. या वेळी मुख्याध्यापक कांबळे, उपमुख्याध्यापिका कांबळे, पर्यवेक्षक गंगावणे आदी उपस्थित होते. श्रेयस इमडेने पाचवी शिष्यवृत्ती परीक्षेत रत्नागिरी जिल्ह्यात ९०वा, वेद पवारने आठवीमध्ये जिल्ह्यात २५वा, नेत्राली ओकने जिल्हा गुणवत्ता यादीमध्ये ६१वा क्रमांक प्राप्त केला आहे. सर्व यशस्वी विद्यार्थ्यांचा व त्यांच्या पालकांचा शाळेने सत्कार केला.