rat20p3.jpg-
78669
वहाळ ः येथील शिबीरात सहभागी झालेले शेतकरी आणि गोविंदराव निकम कृषी महाविद्यालयाच्या कृषीकन्या.

कीड व रोगांविषयी शेतकऱ्यांना मार्गदर्शन
निकम कृषी महाविद्यालय ; वहाळमध्ये कार्यशाळा
सकाळ वृत्तसेवा
चिपळूण, ता. २०ः तालुक्यातील मांडकी पालवण येथील गोविंदराव निकम कृषी महाविद्यालयातील कृषीकन्यांनी वहाळ ग्रामपंचायतीत विशेष कृषी मार्गदर्शन कार्यशाळा घेतली. यामध्ये शेतकऱ्यांना विविध पिकांवरील प्रमुख कीड व रोगांविषयी मार्गदर्शन केले.
वहाळ येथे झालेल्या कार्यशाळेचे प्रमुख मार्गदर्शक प्रा. डॉ. मोहिते यांनी कीड व रोग व्यवस्थापन, विशेषतः भेडसावणाऱ्या शत्रूपैकी साठवणुकीतील धान्यांवर होणारे नुकसान व त्यावरील उपाय योजनांबाबत सविस्तर माहिती दिली. आधुनिक कीड नियंत्रणाच्या पद्धती, जैविक उपाय, शाश्वत शेती पद्धती यावरही चर्चा झाली. कार्यक्रमासाठी परिसरातील शेतकरी, महिला शेतकरी बंधू-भगिनी, ग्रामस्थ यांची उपस्थिती लक्षणीय होती. कृषीकन्यांनी उपस्थितांचे स्वागत केले. ही कार्यशाळा परिसरातील शेतकऱ्यांसाठी उपयुक्त ठरली असून, भविष्यात अशी आणखी मार्गदर्शन कार्यशाळा घेण्याची मागणी ग्रामस्थांनी केली.
या उपक्रमासाठी संस्थेचे मुख्य कार्यकारी अधिकारी डॉ. निखिल चोरग, प्राचार्य डॉ. संकेत कदम, जिजामाता महिला कृषी महाविद्यालयाच्या प्राचार्य डॉ. शमिका चोरगे, ग्रामीण कृषी कार्यानुभव समन्वयक प्राध्यापक प्रशांत इंगवले तसेच प्रा. कांबळे, प्रा. मेथे, प्रा. वडगावे यांचे मार्गदर्शन लाभले मिळाले. कार्यक्रमाच्या यशस्वीतेसाठी अनुष्का पाटील, सई भोसले, लावण्या पांढरे, गीतांजली शिंदे यांच्यासह अन्य कृषीकन्यांनी परिश्रम घेतले.