78759

केळकर हायस्कूलमध्ये
शिक्षक-पालक संघ सभा
देवगड, ता. २० ः वाडा येथील अ. कृ. केळकर हायस्कूलमध्ये चालू शैक्षणिक वर्षासाठी शिक्षक-पालक संघाची स्थापना झाली. मुख्याध्यापिका स्मिता तेली यांच्या अध्यक्षतेखाली सभा घेण्यात आली. यावेळी गतवर्षीच्या पालक प्रतिनिधींनी मनोगत व्यक्त केले.
उत्तरेश्वर लाड यांनी मागील वर्षीच्या सभांचे इतिवृत्त वाचून दाखविले. यानंतर चालू शैक्षणिक वर्षासाठी नवीन कार्यकारिणी निवड करण्यात आली. यामध्ये पदसिद्ध अध्यक्ष मुख्याध्यापिका तेली, उपाध्यक्ष उत्तम बिर्जे, सचिव सचिन मोरे, सहसचिव चंदना जाधव यांचा समावेश आहे. यावेळी पौर्णिमा केरकर, सिद्राम पाटील, उत्तरेश्वर लाड आदी शिक्षकांसह पालक उपस्थित होते. सहायक शिक्षक सचिन मोरे यांनी सूत्रसंचालन केले. भूषण दातार यांनी प्रास्ताविक केले. नीलेश तिर्लोटकर यांनी आभार मानले.