swt214.jpg
78935
कुडाळः येथील बॅ. नाथ पै सेट्रल स्कूलच्या विद्यार्थ्यांनी रानभाज्यांचे प्रदर्शन भरविले. (छायाचित्र ः अजय सावंत)

रानभाज्यांच्या प्रदर्शनास
नाथ पै प्रशाळेत प्रतिसाद
सकाळ वृत्तसेवा
कुडाळ, ता. २१ः येथील बॅ. नाथ शिक्षण संकुलामध्ये सहावी ते नववीच्या विद्यार्थ्यांनी दरवर्षीप्रमाणे विविध रानभाज्यांचे प्रदर्शन आयोजित केले. यामार्फत आहारामध्ये पावसाळ्यात उपलब्ध असणाऱ्या रानभाज्यांचे आहारातील महत्त्व विद्यार्थी व पालक यांना पटवून देण्यात आले. विद्यार्थ्यांनी शिक्षक व पालकांच्या सहकार्याने गोळा केलेल्या विविध रानभाज्यांचे प्रदर्शन मांडण्यात आले. यात प्रामुख्याने अळू, पेवगा, टाकळा, कणकीचे कोंब, शेगूल, तेटवा, कुड्याच्या शेंगा अशा विविध प्रकारच्या रानभाज्यांचा जणू बाजारच भरवला होता.
या रानभाज्यांच्या आरोग्यदायी गुणांचे फलक, तक्ते मांडले होते. प्रत्येक रानभाजीचे गुणधर्म, उपयोग, शास्त्रीय नाव याबाबतची माहिती विद्यार्थ्यांनी उपस्थितांना दिली. या प्रदर्शनाला प्रशालेच्या मुख्याध्यापिका चैताली बांदेकर, चेअरमन उमेश गाळवणकर, संस्था सीईओ अमृता गाळवणकर व पालकांनी भेट देऊन उपक्रमाचे कौतुक केले. दैनंदिन आहारात विद्यार्थ्यांनी व पालकांनी रानभाज्यांचा आवर्जून समावेश करावा, असे आवाहनही केले.