-rat२१p३४.jpg-
P२५N७८९९०
रत्नागिरी : शिरगांव प्राथमिक शेतीसंस्थेमध्ये वृक्षारोपण करताना जिल्हा उपनिबंधक डॉ. सोपान शिंदे, महेश टिळेकर, साहेबराव पाटील आदी.
-----
शिरगांव शेतीसंस्थेत वृक्षारोपण
सकाळ वृत्तसेवा
रत्नागिरी, ता. २२ : नाबार्डच्या ४४व्या स्थापनादिनाचे औचित्य साधून नाबार्डचे रत्नागिरीचे जिल्हा विकास अधिकारी महेश टिळेकर यांनी शिरगांव विविध कार्यकारी सेवा सोसायटीच्या कार्यक्षेत्रात व प्राथमिक शेतीसंस्थेमध्ये वृक्षारोपण कार्यक्रमाचे आयोजन केले.
या प्रसंगी सहकारी संस्थांचे जिल्हा उपनिबंधक डॉ. सोपान शिंदे, तालुक्याचे साहाय्यक निबंधक साहेबराव पाटील, रत्नागिरी जिल्हा मध्यवर्ती सहकारी बँकेने उपसरव्यवस्थापक संदीप तांबेकर प्रमुख उपस्थित होते. शिरगांव सोसायटीचे अध्यक्ष प्रल्हाद शेट्ये यांनी सोसायटीच्या कार्याची माहिती दिली. महेश टिळेकर यांनी संस्थेच्या कामाचा आढावा घेताना संस्थेने शासनाचे पुरस्कार मिळवण्याकरिता प्रस्ताव दाखल करावेत. संस्थेच्या सुरू असलेल्या चांगल्या कामाची प्रसिद्धी व्हावी, संस्थेला अनेक पुरस्कार प्राप्त व्हावेत अशा शुभेच्छा व्यक्त केल्या. प्रसत्र दामले यांनी आभार मानले.