swt228.jpg
79150
बांदाः रक्तदान शिबिरात पहिले रक्तदान करणाऱ्या रक्तदात्यांचा गुलाबपुष्प देऊन अभिनंदन करताना मान्यवर. (छायाचित्र ः नीलेश मोरजकर)

बांदा येथे ९२ जणांचे रक्तदान
शिबिरास उत्स्फूर्त प्रतिसादः गणेशोत्सव मंडळाचा उपक्रम
सकाळ वृत्तसेवा
बांदा, ता. २२ः येथील सार्वजनिक गणेशोत्सव मंडळ श्री विठ्ठल मंदिर बांदा आणि सिंधू रक्तमित्र प्रतिष्ठान (शाखा सावंतवाडी) यांच्यावतीने आयोजित रक्तदान शिबिराला रक्तदात्यांचा उत्स्फूर्त प्रतिसाद लाभला. मंडळ कार्यकर्ते, व्यापारी, तरुण तसेच महिलांनी सहभागी होत ९२ दात्यांनी रक्तदान केले. ओरोस व गोवा बांबोळी येथील रक्तपेढीने रक्त संकलनाचे काम केले. यावेळी ३ जणांनी देहदान व ४ जणांनी अवयवदान अर्ज भरून संस्थेकडे सुपूर्द केले.
बांदा येथील श्री विठ्ठल रुक्मिणी मंगल कार्यालयात मान्यवरांच्या उपस्थितीत शिबिराचे उद्घाटन झाले. यावेळी सहाय्यक पोलिस निरीक्षक गजेंद्र पालवे, सिंधू रक्तमित्रचे जिल्हाध्यक्ष प्रकाश तेंडोलकर, उपसरपंच आबा धारगळकर, मंडळाचे अध्यक्ष अनय स्वार, सचिव दादा पावसकर, खजिनदार विठ्ठल वाळके, सिंधू रक्तमित्रचे विभागीय अध्यक्ष संजय पिळणकर, ग्रामपंचायत सदस्य बाळू सावंत, जावेद खतीब, शामसुंदर मांजरेकर, प्रशांत बांदेकर, साई काणेकर, गुरू सावंत, सुधीर पराडकर, रुपाली शिरसाट, श्रेया केसरकर, तनुजा वराडकर, रिया येडवे आदी मान्यवर उपस्थित होते. यावेळी अनेक मान्यवरांनी शिबिराला भेट देऊन उपक्रमाचे कौतुक केले. तेंडोलकर यांनी रक्तदानाचे महत्त्व सांगून देहदान व अवयवदान याविषयी सविस्तर मार्गदर्शन केले.
मान्यवरांचे स्वागत सर्वेश गोवेकर, ओंकार नाडकर्णी, भाऊ वाळके, नीलेश कदम, ज्ञानेश्वर येडवे, निखिल मयेकर, प्रसाद वाळके, अर्णव स्वार, अक्षय मयेकर, ऋषी हरमलकर, प्रथमेश गोवेकर, गौरव नाटेकर यांनी केले. सूत्रसंचालन राकेश केसरकर यांनी केले. आभार सर्वेश गोवेकर यांनी मानले.