swt2222.jpg
79216
मालवणः नगर वाचन मंदिर येथे शहर परिसरातील गरीब होतकरू विद्यार्थ्यांना शालेय गणवेशाचे वितरण करण्यात आले.

मालवण नगर वाचनालयातर्फे
विद्यार्थ्यांना गणवेश वाटप
सकाळ वृत्तसेवा
मालवण, ता. २२ : येथील नगर वाचन मंदिर आणि (कै.) राधाबाई हरिश्चंद्र नारिंग्रेकर ट्रस्ट यांच्यावतीने शहर व परिसरातील शाळांमधील विद्यार्थ्यांना शालेय गणवेशाचे वितरण मान्यवरांच्या हस्ते करण्यात आले. कार्यक्रमास संस्थेचे कार्यवाह प्रा. नागेश कदम, सेवानिवृत्त शिक्षक विनायक कोळंबकर आदी उपस्थित होते.
प्रास्ताविकात प्रा. कदम यांनी संस्थेच्या वतीने गेली २४ वर्षे हा उपक्रम यशस्वीरित्या सुरू आहे, असे सांगितले. श्री. कोळंबकर यांनी या उपक्रमाचे देणगीदार डॉ. विजय नारिंग्रेकर यांनी सामाजिक बांधिलकीतून हा उपक्रम गेली अनेक वर्षे सुरू ठेवल्याबद्दल कौतुक केले. शहर आणि परिसरातील मोहनराव परुळेकर, प्राथमिक शाळा भंडारी प्राथमिक शाळा, सराव पाठशाळा, अ. शि. देसाई टोपीवाला हायस्कूल, भंडारी हायस्कूल, लक्ष्मीबाई देसाई टोपीवाले कन्याशाळा, ओझर विद्यामंदिर कांदळगाव, डॉ. एस. एस. कुडाळकर हायस्कूल या प्रशालेमधील ५६ विद्यार्थ्यांना शालेय गणवेशाचे वितरण मान्यवरांच्या हस्ते करण्यात आले.
कार्यक्रमाचे प्रमुख पाहुणे विनायक कोळंबकर यांना संस्थेच्या वतीने ग्रंथ भेट देऊन सन्मानित करण्यात आले. ग्रंथपाल संजय शिंदे यांनी आभार मानले. कार्यक्रम यशस्वीतेसाठी सहाय्यक ग्रंथपाल श्रेया चव्हाण, प्रतिमा पेडणेकर, रमाकांत जाधव यांनी मेहनत घेतली.