79211

अद्ययावत ज्ञान ही काळाची गरज

अजय शिंदे; वेंगुर्लेत अध्यापक संघातर्फे विद्यार्थी गुणगौरव

सकाळ वृत्तसेवा
मालवण, ता. २२ : विद्यार्थ्यांनी तंत्रज्ञानाचा वापर करून आपले ज्ञान अद्ययावत ठेवणे ही काळाची गरज आहे, असे प्रतिपादन माध्यमिक अध्यापक संघाचे जिल्हाध्यक्ष अजय शिंदे यांनी वेंगुर्ले येथे केले.
सिंधुदुर्ग जिल्हा माध्यमिक अध्यापक संघ संलग्न वेंगुर्ले तालुका माध्यमिक अध्यापक संघाच्या विद्यार्थी गुणगौरव व निवृत्त कर्मचारी सत्कार कार्यक्रम वेंगुर्ले हायस्कूल येथे माजी तालुकाध्यक्ष जयराम वायंगणकर यांच्या अध्यक्षतेखाली झाला. व्यासपीठावर जिल्हा माध्यमिक अध्यापक संघाचे जिल्हाध्यक्ष अजय शिंदे, जिल्हा कार्यवाह विजय मयेकर, माजी कार्यवाह उमेश सुकी, लक्ष्मण पावसकर, अमेय देसाई, गजानन नानचे, श्री. नाडकर्णी, तालुकाध्यक्ष अर्जुन माळी, राजू चव्हाण, किशोर सोन्सुरकर आदी उपस्थित होते.
यावेळी उमेश सुकी, लक्ष्मण पावसकर, विजय मयेकर, उज्जयनी मांजरेकर यांनी विचार मांडले. माध्यमिक शालांत प्रमाणपत्र परीक्षा मार्च २०२५ मधील वेंगुर्ले तालुक्यातून आलेले प्रथम तीन क्रमांक, निबंध स्पर्धेत तीन गटातील १२ विद्यार्थी, शिष्यवृत्ती सराव परीक्षेतील दोन्ही गटातून प्रत्येकी तीन विद्यार्थी व निवृत्त शिक्षक बांधवांचा मान्यवरांच्या हस्ते सत्कार करण्यात आला.
वेंगुर्ले तालुक्यातील विविध शाळांमध्ये अध्ययनाचे पवित्र कार्य केलेल्या सेवानिवृत्त शिक्षक-शिक्षिकांचा शाल, श्रीफळ, पुष्पगुच्छ, सन्मानचिन्ह व सोनचाफ्याचे झाड देऊन सन्मान केला. वेंगुर्ले हायस्कूलच्या सहावी-सातवीच्या मुलांनी वाद्यवृंद वाजवत तर मुलींनी ईशस्तवन व स्वागतगीत गाऊन सर्वांना मंत्रमुग्ध केले. या मुलांना अजय शिंदे, उमेश सुकी यांनी गौरव केला. अजय शिंदे, उमेश सुकी, विजय मयेकर व इतरांचा सोनचाफ्याचे झाड देऊन सन्मान करण्यात आले. कार्यक्रम यशस्वीतेसाठी अर्जुन माळी, राजू चव्हाण, विमल शिंगाडे, राजेश आव्हाड, श्री. पासार्डेकर, सोमनाथ बागुल, निशा वालावलकर, श्रद्धा नाईक, तुकाराम भोगण, ज्योती देसकर, श्रीमती सुंदर, राजेश राठये, उमेश सुकी, जयराम वायंगणकर, अमेय देसाई यांनी मेहनत घेतली. तालुकाध्यक्ष अर्जुन माळी यांनी प्रास्ताविक केले. श्रीम. वालावलकर, श्री. राठये यांनी सूत्रसंचालन केले. राजू चव्हाण यांनी आभार मानले.