rat२३p५.jpg-
२५N७९३४२
रत्नागिरी : सोमेश्वर येथे विश्वमंगल गोशाळेत गोमाता पूजन करताना महिला.

विश्वमंगल गोशाळेत गोमाता पूजन
सकाळ वृत्तसेवा
रत्नागिरी, ता. २३ : तालुक्यातील सोमेश्वर येथील सोमेश्वर शांतीपिठाच्या विश्वमंगल गोशाळेत शुद्ध देशी गोवंश जतन आणि संवर्धन दिवस साजरा करण्यात आला. या वेळी गोमाता पूजन आणि वृक्षारोपण कार्यक्रम करण्यात आला. या वेळी संदेश लांजेकर व राकेश हरचिरकर यांचा गोसेवाव्रती म्हणून सत्कार करण्यात आला.
या कार्यक्रमाला जिल्हा उपायुक्त पशुसंवर्धन अधिकारी डॉ. रोहित रानभरे, तालुका पशुसंवर्धन अधिकारी कशाळकर, डॉ. स्वरूप काळे, हरचेरी बीटचे डॉ. विलास कोलगे, डॉ. आर. एस. कलगे, डॉ. रवींद्र केसरकर, सोमेश्वर शांतीपिठाचे अध्यक्ष राजेश आयरे, उपाध्यक्ष विनायक हातखंबकर, स्नेहल वैशंपायन, विनोद पेठकर, राकेश वाघ, प्रज्ञा मुळे, छाया अनावकर, मनाली नाखरेकर, संदेश लांजेकर व अनेक गोप्रेमी, गोभक्त उपस्थित होते. या वेळी डॉ. रोहित रानभरे यांनी देशी गाईचे महत्त्व व उपयुक्तता या विषयी मार्गदर्शन केले. या वेळी जलजीवन मिशन या संस्थेच्या माध्यमातून गोशाळेच्या परिसरामध्ये वृक्षारोपण करण्यात आले. आयरे यांनी सोमेश्वर शांतीपीठ प्रकल्पाची सविस्तर माहिती दिली. विनायक हातखंबकर यांनी प्रास्ताविक केले. नागरेकर यांनी आभार मानले.