79489

राजू नाईक प्रतिष्ठानतर्फे
शैक्षणिक साहित्य वाटप
सकाळ वृत्तसेवा
सावंतवाडी, ता. २३ः राजू नाईक प्रतिष्ठानच्या माध्यमातून बाळासाहेब ठाकरे शिवसेना सावंतवाडी तालुका संपर्कप्रमुख राजू नाईक यांनी शालेय विद्यार्थ्यांना शैक्षणिक साहित्याचे वाटप केले. या उपक्रमाच्या शेवटच्या टप्पात सावंतवाडी शहरातील सुधाताई वामनराव कामत या शाळेमधील मुलांना शालेय साहित्याचे वाटप करण्यात आले. यावेळी ग्रामपंचायत सदस्य प्रवीण पालव, शिक्षक अर्जुन रणशूर, श्रीमती आरोदेकर, प्रणिता भगत, श्रीमती नार्वेकर आदी उपस्थित होते. श्री. नाईक यांनी प्रतिष्ठानच्या माध्यमातून आरोस गावातील एकूण पाच शाळा, आजगाव येथे दोन शाळा तसेच धाकोरे शाळेतील मुलांना शैक्षणिक साहित्य वाटप केले. प्रतिष्ठानच्या माध्यमातून ते गेली अनेक वर्षे शैक्षणिक तसेच सामाजिक क्षेत्रात उल्लेखनीय कामगिरी करत आहेत. अभ्यास करून आई-वडिलांचे आणि गावाचे नाव उज्वल करण्याचे आवाहन त्यांनी विद्यार्थ्यांना केले.
ग्रामपंचायत सदस्य प्रवीण पालव यांनी नाईक यांच्या उपक्रमाचे विशेष कौतुक केले. विद्यार्थ्यांना शैक्षणिक साहित्याबाबत समस्या असल्यास नाईक यांच्याशी संपर्क साधावा, असे त्यांनी सांगितले. शैक्षणिक साहित्य वाटप केल्याबद्दल शाळेतील शिक्षकांनी आभार व्यक्त केले.