79646

मळगावात रिक्षाचालकांचा
ठाकरे शिवसेनेतर्फे सन्मान
सकाळ वृत्तसेवा
सावंतवाडी, ता. २५ः ठाकरे शिवसेनेच्या वतीने पक्षप्रमुख उद्धव ठाकरे यांच्या वाढदिवसानिमित्त तालुक्यात विविध कार्यक्रमांचे आयोजन केले आहे. या पार्श्वभूमीवर मळगाव रेल्वे स्थानकाजवळील सुमारे ६८ तीन-आसनी रिक्षाचालक- मालकांना आरोग्य साहित्य देऊन त्यांचा सन्मान करण्यात आला. रिक्षाचालकांचे आरोग्य उत्तम राहावे, त्यांना प्राथमिक उपचारासाठी आवश्यक साहित्य उपलब्ध व्हावे, या उद्देशाने हा उपक्रम घेण्यात आला.
सावंतवाडी विधानसभा प्रमुख रुपेश राऊळ यांच्या हस्ते साहित्य वाटप करण्यात आले. याप्रसंगी शिवसेनेचे नेते चंद्रकांत कासार, तालुकाप्रमुख मायकल डिसोजा, अशोक धुरी, संदीप पांढरे, विनोद काजरेकर, सुनील गावडे, फिलिप्स रोड्रिक्स, गुणाजी गावडे, नम्रता झारापकर, बाबू गावडे, प्रशांत बुगडे, शरद जाधव, नेमळे उपसरपंच राऊळ, मंथन गवस, रोहन मल्हार, संदीप भाईत, संजय धुरी, सचिन मुळीक, रिक्षा संघटना व सहा आसनी रिक्षा संघटना चालक-मालक उपस्थित होते.