- rat२५p९.jpg-
२५N७९८५९
राजापूर ः लागवड करताना राजापूर हायस्कूलची मुले आणि शिक्षक.

काही सुखद-------लोगो

राजापूर हायस्कूलमध्ये रोपांची लागवड
पर्यावरण संवर्धनाचा संकल्प ; विद्यार्थी करणार संगोपन
सकाळ वृत्तसेवा
राजापूर, ता. २५ ः येथील राजापूर हायस्कूलच्या हरितसेना आणि इकोक्लबच्या माध्यमातून प्रशालेच्या परिसरामध्ये आवळा, काजू, सागवान, खैर यांसह विविध प्रकारच्या शंभर रोपांची लागवड केली. या वेळी विद्यार्थ्यांनी पर्यावरण संवर्धनाचा संकल्प केला. लागवड केलेल्या रोपांचे संगोपन आणि निगा हरितसेना व इकोक्लबमार्फत राखली जाणार आहे.
शहरातील राजापूर हायस्कूलमध्ये स्थापना करण्यात आलेल्या हरितसेना आणि इकोक्लबच्या माध्यमातून पर्यावरण संरक्षण व जनजागृतीसाठी वर्षभर विविध उपक्रम राबवले जातात. त्याप्रमाणे यावर्षीही वृक्षलागवडीतून पर्यावरण संवर्धन केले जात आहे. या उपक्रमाचे उद्घाटन मुख्याध्यापक अरुण पोवार यांच्या हस्ते झाले. या वेळी पर्यवेक्षिका दर्शना मांडवकर, विज्ञानशिक्षक भारत जानकर, दत्तात्रय शिंदे, गिरीश भातडे आदी उपस्थित होते. जानकर, शिंदे, भातडे यांच्या मार्गदर्शनाखाली शास्त्रीय पद्धतीने वृक्ष लागवड करण्यात आली. या प्रसंगी पोवार यांनी पर्यावरण संवर्धनाचे महत्त्व सांगितले तर, मांडवकर यांनी मार्गदर्शन करताना वृक्ष लागवड ही केवळ एक औपचारिकता नसून, पर्यावरण संवर्धनाची पहिली पायरी असल्याचे सांगितले. तसेच प्रत्येक विद्यार्थ्याने एक झाड जगवा, असे आवाहनही केले.
----
आवळा, काजू, सागवानाला प्राधान्य
राजापूर हायस्कूलच्या हरितसेना आणि इकोक्लबच्या माध्यमातून विद्यार्थ्यांनी १०० रोपांची लागवड केली. यामध्ये प्रामुख्याने आवळा, काजू, सागवान, खैर अशा विविध प्रकारच्या रोपांचा समावेश आहे. लागवड केलेल्या रोपांचे संगोपन आणि निगा हरितसेना व इकोक्लबतर्फे राखली जाणार आहे.