Rat२५p६.jpg-
२५N७९८४६
मंडणगड: विद्यार्थ्यांना मार्गदर्शन करताना प्रा. हनुमंत सुतार, प्राचार्य डॉ. वाल्मीक परहर व अन्य.

तयारी करूनच स्पर्धेत उतरा...
प्रा. सुतार ः मुंडे महाविद्यालयात सांस्कृतिक कार्यशाळा
सकाळ वृत्तसेवा
मंडगणड, ता. २६ ः मुंबई विद्यापीठाचा युवा महोत्सव व विविध ठिकाणी आयोजित सांस्कृतिक कार्यक्रमात महाविद्यालयातील विद्यार्थी सहभागी होत असतात. तयारी व्यवस्थित नसेल तर आपल्या पदरी निराशा येते. हे टाळायचे असेल तर कोणत्याही प्रकारच्या स्पर्धेमध्ये पूर्ण तयारीनिशी उतरणे आवश्यक आहे, असे प्रा. हनुमंत सुतार यांनी सांगितले.
येथील गोपीनाथजी मुंडे कला, वाणिज्य व विज्ञान महाविद्यालयाच्या सांस्कृतिक विभागाच्यावतीने आयोजित सांस्कृतिक कार्यक्रमाप्रसंगी ते बोलत होते. या कार्यक्रमाला सांस्कृतिक विभागप्रमुख प्रा. हनुमंत सुतार हे उपस्थित होते. या कार्यक्रमाच्या अध्यक्षस्थानी प्राचार्य डॉ. वाल्मीक परहर उपस्थित होते. या वेळी उपप्राचार्य डॉ. विष्णू जायभाये, डॉ. अशोक साळुंखे, डॉ. संगीता घाडगे, ग्रंथपाल दगडू जगताप आदी मान्यवर उपस्थित होते. प्रा. संगीता घाडगे यांनी आभार मानले.