कोल्हापूर : अधिक मासाच्या पवित्र पर्वावर करवीर निवासिनी श्री अंबाबाईचा पारंपरिक अवभृत स्नानविधी, देखणा नौकाविहार आणि भक्तिमय पालखी सोहळा रविवारी पंचगंगा नदीच्या विस्तीर्ण घाटावर अभूतपूर्व उत्साहात रंगला. हा अलौकिक धार्मिक सोहळा पाहण्यासाठी हजारो भाविकांनी नदीकिनाऱ्यावर अलोट गर्दी केली होती, तर ‘जय देवी अंबाबाई’च्या जयघोषाने संपूर्ण पंचगंगा परिसर भक्तिरसात न्हाऊन निघाला होता.
