80321

‘लिटिल स्टार’ स्कूलचा वर्धापन उत्साहात
तळेरे, ता. २७ : खारेपाटण शिवाजी पेठ येथील लिटिल स्टार फन स्कूलचा तिसरा वर्धापन दिन सोहळा नुकताच सरपंच प्राची इस्वलकर यांच्या प्रमुख उपस्थितीत झाला. यावेळी उपसरपंच महेंद्र गुरव, माजी सरपंच वीरेंद्र चिके, सामाजिक कार्यकर्ते महेश कोळसुलकर, मंगेश गुरव, राजेंद्र चिके, शाळेच्या संचालिका ऋतुजा चिके आदी मान्यवर, पालक वर्ग व ग्रामस्थ उपस्थित होते. कार्यक्रमाची सुरुवात मान्यवरांच्या हस्ते दीपप्रज्वलनाने करण्यात आली. सरपंच इस्वलकर यांनी विद्यार्थ्यांना खाऊ वाटप करण्यात आले. विविध स्पर्धांच्या प्रमाणपत्रांचे विद्यार्थ्यांना वितरण करण्यात आले. सरपंच इस्वलकर यांनी मुलांचे कौतुक केले. ऋतुजा चिके यांनी उपस्थित मान्यवरांचे आभार व्यक्त केले.