अमृत गटाची राजापुरात सभा
राजापूर, ता. ३० : शासनाची स्वायत्त संस्था असलेल्या ‘अमृत’ची सर्वसमावेशक लक्षित गटाची बैठक शहरातील गुरुवर्य वासुकाका जोशी कार्यालयात झाली. या वेळी अमृत संस्थेचे विभागीय व्यवस्थापक देवदत्त पंडित यांनी अमृत योजनांची सविस्तर माहिती देताना ‘स्वयंरोजगार’ निर्मिती कार्यक्रमासंबंधी मार्गदर्शन केले. या वेळी अमृत संस्थेचे कोकण विभाग उपव्यवस्थापक अमित सामंत, रत्नागिरी जिल्हा व्यवस्थापक महेश गर्दे, सिंधुदुर्ग जिल्हा व्यवस्थापक श्रीराम केळकर, रत्नागिरी जिल्हा उपव्यवस्थापक संतोष जुवळे, राजापूर तालुका ब्राह्मणसेवा मंडळाचे अध्यक्ष प्रवीण करंबेळकर, अखिल भारतीय ब्राह्मणसेवा संघाचे रत्नागिरी जिल्हाध्यक्ष महेश सप्रे आदी उपस्थित होते.