rat30p22.jpg-

रमेश कीर
rat30p23.jpg-

हुस्नबानू खलिफे
---------------

काँग्रेस प्रदेश सरचिटणीसपदी
रमेश कीर, हुस्नबानू खलिफे
रत्नागिरी, ता. ३० : महाराष्ट्र प्रदेश काँग्रेस कमिटीच्या कार्यकारिणीत रत्नागिरी जिल्ह्यातील चौघांवर महत्वाची जबाबदारी देण्यात आली आहे. या कार्यकारिणीत काँग्रेसचे ज्येष्ठ नेते माजी जिल्हाध्यक्ष रमेश कीर आणि ॲड. हुस्नबानू खलिफे यांच्यावर प्रदेश सरचिटणीसपदाची जबाबदारी सोपवली आहे. रत्नागिरी जिल्ह्यासाठी दोन जिल्हाध्यक्ष नियुक्त केले आहेत. दक्षिण रत्नागिरीसाठी नुरूद्दीन सय्यद तर उत्तर रत्नागिरीसाठी सोनललक्ष्मी घाग यांची नियुक्ती केली आहे.
काँग्रेसकडून जिल्हाध्यक्ष पदांवर झालेल्या नियुक्त्यांमध्ये यंदा एक नवा निर्णय घेण्यात आला आहे. सय्यद यांची दक्षिण रत्नागिरी जिल्हाध्यक्ष म्हणून नियुक्ती झाली आहे तर घाग उत्तर रत्नागिरी जिल्हाध्यक्ष म्हणून कार्यभार सांभाळतील. काँग्रेसचे माजी जिल्हाध्यक्ष आणि काँग्रेसचे अनुभवी नेते रमेश कीर यांच्यावर प्रदेश सरचिटणीसपदाची जबाबदारी सोपवण्यात आली आहे. माजी आमदार हुस्नबानू खलिफे यांची प्रदेश सरचिटणीस म्हणून नियुक्ती केली आहे. प्रदेश कार्यकारिणीकडून झालेल्या या नियुक्त्यांमुळे रत्नागिरी जिल्ह्यातील काँग्रेस पदाधिकारी आणि कार्यकर्त्यांमध्ये आनंदाचे वातावरण असून, या निवडीमुळे काँग्रेस पक्ष अधिक मजबूत होईल आणि आगामी काळात पक्षाच्या कामाला गती मिळेल, अशी अपेक्षा व्यक्त केली जात आहे.