ज्येष्ठ नागरिक संघाची
सावंतवाडीत उद्या सभा
सावंतवाडीः तालुका ज्येष्ठ नागरिक संघाचा २१ वा वर्धापन दिन व वार्षिक सर्वसाधारण सभा शुक्रवारी (ता. १) सकाळी साडेदहा वाजता ज्येष्ठ नागरिक सुविधा केंद्र, सालईवाडा, सावंतवाडी येथे आयोजित करण्यात आली आहे. सर्व सभासदांनी उपस्थित राहावे, असे आवाहन करण्यात आले आहे.
...................
किंजवडे येथे रविवारी
संगीत आरती स्पर्धा
सिंधुदुर्गनगरीः सिंधू भार्गव मित्रमंडळ व कलायन चॅरिटेबल ट्रस्ट किंजवडे यांच्यावतीने आयोजित मंजिरी निरंजन दीक्षित पुरस्कृत संगीत आरती स्पर्धा रविवारी (ता. ३) सकाळी ८ वाजल्यापासून किंजवडे येथील श्री देव हरभट्ट स्थानेश्वर मंदिरात आयोजित केली आहे. या स्पर्धेसाठी प्रथम क्रमांक १० हजार व चषक, द्वितीय क्रमांक ७ हजार व चषक, तृतीय क्रमांक ५ हजार व चषक तसेच उत्तेजनार्थ संघांसाठी ४ हजार, ३ हजार रुपये व चषक देण्यात येणार आहे. पारंपरिक आरत्यांचे संवर्धन व प्रसार होऊन त्यांचे जतन व्हावे, या उद्देशाने ही स्पर्धा आयोजित करण्यात आली आहे. सिंधुदुर्ग व रत्नागिरी ब्राह्मण ज्ञाती बांधवांसाठी ही स्पर्धा आयोजित केली आहे. स्पर्धेत सहभाग घेण्यासाठी समीर रुणकर यांच्याशी संपर्क साधावा.