कणकवलीत आज
कर्करोग चिकित्सा
कणकवली : महाराष्ट्र शासनाच्या सार्वजानिक आरोग्य विभागाची कर्करोग मोबाईल व्हॅन उद्या (ता. ४) येथील उपजिल्हा रुग्णालय येथे दाखल होणार आहे. ही व्हॅन सकाळी ९ ते सायंकाळी ४ वाजेपर्यंत असणार आहे. या व्हॅनमध्ये कर्करोग तपासणीच्या विविधा सुविधा उपलब्ध असणार आहेत. यात मुख कर्करोग, स्तन कर्करोग, गर्भाशयमुख कर्करोग या तपासण्यांचा समावेश आहे. दोन आठवड्यांपेक्षा अधिक कालावधीसाठी तोंड येणे, तोंडामध्ये लाल किंवा पांढरा चट्टा असणे, तोंड उघडायला त्रास होणे अशी मुख कर्करोगाची, मासिक पाळी व्यतिरिक्त योनीतून रक्तस्‍त्राव, मासिक पाळीचे चक्र बंद झाल्यावर रक्तस्‍त्राव, शारीरिक संबंधांनंतर रक्तस्‍त्राव, योनी मार्गातून दुर्गंधीयुक्त स्‍त्राव ही गर्भाशय मुख कर्करोगाची तर स्तनामध्ये गाठ, स्तनाच्या आकारात बदल, स्तनाग्रामधून पू अथवा रक्तस्‍त्राव ही स्तन कर्करोगाची उदाहरणे आहेत. अशी लक्षणे असणाऱ्या रुग्णांनी तपासणी करावी. तपासणीला येताना रुग्णांनी आधारकार्ड व आधारकार्ड लिंक असलेला मोबाईल आणावा, असे आवाहन ओरोस जिल्हा रुग्णालयाचे जिल्हा शल्यचिकित्सक डॉ. श्रीपाद पाटील, कणकवली उपजिल्हा रुग्णालयाचे वैद्यकीय अधीक्षक डॉ. विशाल रेड्डी यांनी केले आहे.