लोगो ः निधन वृत्त
---
81850
मधुकर मोरजकर
सावंतवाडी, ता. ३ ः शहरातील सालईवाडा येथील अमर लॉन्ड्रीचे मालक तथा परीट समाज संघटनेचे माजी सल्लागार मधुकर मुकुंद मोरजकर (वय ८६) यांचे आज हृदविकाराने निधन झाले. त्यांच्या मागे पत्नी, मुलगे, मुलगी, भाऊ, बहीण असा परिवार आहे. अभिनव फाउंडेशनचे खजिनदार जितेंद्र मोरजकर यांचे ते वडील होत.
..................
81851
यशवंत मेस्त्री
कुडाळ, ता. ३ ः पांग्रड येथील प्रसिद्ध अस्थिवैद्य यशवंत पांडुरंग मेस्त्री (वय ८०) यांचे शनिवारी (ता. २) दीर्घ आजाराने राहत्या घरी निधन झाले. सामाजिक कार्यासह भजन, गायनाची त्यांना आवड होती. श्रावण महिन्यामध्ये विविध ग्रंथांच्या पारायणांसाठी ते परिचित होते. त्यांच्या मागे दोन मुलगे, सुना, दोन मुली, नातवंडे, तीन भाऊ, वहिनी, पुतणे असा मोठा परिवार आहे. पणदूर येथील ओम आयुर्वेदा उपचार केंद्राचे संचालक तथा श्री गणेश मृदंगवादन क्लासचे संचालक मोहन मेस्त्री यांचे ते वडील होत.
...................
81806
प्रभाकर सावंत
कणकवली, ता. ३ ः मूळचे नाटळ (राजवाडी) येथील व सध्या वेंगुर्ला तालुक्यातील आडेली कामळेवीरवाडी येथे स्थायिक झालेले निवृत्त मुख्याध्यापक प्रभाकर महादेव सावंत (वय ९३) यांचे शनिवारी (ता. २) निधन झाले. आडेली कामळेवीरवाडी येथील डॉ. हेमंत सावंत यांचे ते वडील, तर डॉ. स्मिता सावंत यांचे ते सासरे होत. प्रभाकर सावंत यांनी कणकवली तालुक्यात अनेक प्राथमिक शाळांमध्ये विद्यादानाचे काम केले. शिस्तप्रिय शिक्षक म्हणून ते विद्यार्थ्यांमध्ये लोकप्रिय होते. प्रभाकर सावंत यांच्या मागे पत्नी, भाऊ, एक मुलगा, तीन मुली, जावई, सुना, नातवंडे असा मोठा परिवार आहे.